قومي يابنت الفكر وطوي فراشي
مالي ومال النوم مع لاهب النار
مافيه وقت(ن) للجدل والنقاشي
وقتي تحداني وابمشي ولا احتار
اما يزين الوقت والا بلا شي
بلاش من ترقيع الاخطاء بالاعذار
ناس(ن )خطاهم من ردى الحظ طاشي
ثارت عداوتهم بلا سابق انذار
وناس(ن )تباري كل ظالم وفاشي
مافكروا في حرمة الدين والجار
وناسن تدور كل خايب وواشي
صارت نمايمهم تروج بالاقطار
والله لو اجلي يم دار النجاشي
والا تحول صورتي نشرة اخبار
اني لاسويها بدين(ن) وكاشي
مدام راسي يلزمه ردت الثار
================================
================================
هذه القصيده خاصه بي وحبيت ان اكتبها في منتداكم
منتدى الجميع
تحيات الابيض11