[align=center]السلام عليكم ورحمة الله وبركاته
اخواني الاعضاء والزوار كل عام وانتم بخير
لكم
مادار بيني وبين الشاعر والاخ الكبير/ مهل الرويضي[/align]
[align=center]
اقول :[/align]
[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله اني يازبون الحرد توي = شفت ناسً ماتفيد ابها الهداوه
أكتشفت عيوبهم من ضوح ضوي = قبل لاسلط عليهم بالاضاوه
التغطرس واللعانه والتلوي = ميزةٍ فيهم خبيثين اللغاوه
يازبون الحرد قلي ويش اسوي = لاخذ الغالين في ذنب اللعاوه
أن تساقط فوقهم يالقرم نوي = شلتهم من حدنا لحدود جاوه
وان تكدر يامهل بالحيل جوي = والله ليشكون من كبر القساوه
كل مجنونً وله مثله مهوي = لافقد عقله بيمناه السطاوه
للجهل جهال ورجالٍ تخوي = علم اللي مايجيدون التلاوه [/poem]
[align=center]شعر : عبدالرحمن صامل الرشيدي
وقال :[/align]
[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامتسبب بانفعالي وبهدوي = ودي آسمي ولا تنسى السماوه
ابتعادي شين ومصيبه دنوي = حايرٍ بين الحضاره والبداوه
لاتنشدني وانا منك متروي = يانهر : عذب وحوى مرّ وحلاوه
خلها في دربها مع كل دوي = تطوي الجردا غبى ولأ صحاوه
سو مثلي لاتكن ولاتنوي = اكرب حزامك على عز ونقاوه
اكثر العالم ماشوفه من علوي = ومن يرافقني يبي يلقى حفاوه
ولاعلي خلاف لابين عدوي = البلاء من مايبين لي عداوه
قلتها والعلم يبغى له تروي = ومن زعل بقريح ماعندي رضاوه [/poem]
[align=center]شعر : مهل الرويضي
تقديري للجميع [/align]