ياهل الجيب منين ( لا) وين ماشين = خوذو رسالة من الحنيني خفيفه
خفيفةٍ تقيلةٍ بالعناوين = تحمل تراحيب الرشيدي بضيفة
محمد بن عبيد عقب الكريمين = امجادهم موجودةٍ بالصحيفة
بني رشيد اللي العسر واللين = أهل المكارم والنفوس العفيفة
خاويتهم ياحمود وقاصرتهم سنين = وعن جارهم ماعاد تخفى الطريفة
ويوم القبايل فعلها بالميادين = كم فرقوا من غاليٍ عن وليفه
يتلون شيخاً ماضي له براهين = ادليم ابن براك مروي الرهيفه
ادليم ابن قاسم صعوط المجانين = كم انقطع من ساقته من عسيفه
تشهد على ماقلت هاك الضلاعين = والروض يشهد والقهد والحليفه
قلته ونا من حرب سقم المعادين = أهلالسلوم الطيبه والشريفه
حلوين للصاحب ولضد مرين = وخوينا يقوم ويرقد بكيفه
اللي يعطينا مد نعطيه صاعين = ورد السلف مطلوب ياخو مريفه
وجميع قبايل نجد ماهم بسيطين = يوم (ن) كل ٍ ينتخي في منيفه
واليوم بحكم السعود السلاطين = نحكم بشرع الله وكتابه وسيفه
نجد أمنا وأبونا خادم الحرمين = والرب واحد والعقيدة نظيفه
دون الوطن والدين بالروح فادين = ولايهمنا أهل العقول الضعيفه

بيض الله وجه الشاعر سالم بن عتقاء الحنيني الحربي
على هالقصيده الجميله الموجهه الى الشيخ محمد بن عبيد
العجوني الرشيدي وانا الشهدنه يستاهل المدح اللى يقال
فيه ومشكور يامشرفنا الرائع ابوعبيد على النقل
تقبل مروري