مثل مابالناس غالي فيه بالاشعـار غالـي=والوهيداني وشعره كلهـم غالـي عليـه
والله انك يالوهيداني مقامك فـوق عالـي=كل مااقرا لك قصيده قلت هذي فوق ذيـه
دايم احتار بقصيدك وبمعانيـك الجزالـي=كل بيتٍ في قصيـدك لـه مقـام وقابليـه
طال عمرك.طاب حظك.دام عزك.دمت غالي=إقبل اللي مر بالروض الخضر وادى التحيه
عبدالطيف العوفي

مرحبابك مرحبـا مليـون يازحـل الرجالـي=ياولد من ياصلون الطيـب لـو دونـه منيـه
مرحبابـك عـد خلـق الله ودورت الليالـي=ياوسيع العرف ماجا منك تـاج وفخـر ليـه
وانت عرفك مكسب(ن)هايل وعندي راس مالي=ياهل الوقفات واهل الصـدق ورجـال حميـه
يامكرمـت البعيـد ويامكرمـت المـوالـي=ياذرا الجالي ليـا منـه جـلا عـن دار حيـه
كيف ابا صف فيك مقدر في وصايفك اطوالـي=مالك الشكر والعرفـان مـع جـزل التحيـه

الحكيم اللي ليامن قال لـه كلمـه حماهـا=المعانـي لاذكرهـن كنهـن سـيـف يسـلـه
يالوهيداني حروفك فوق عالي مستواها=واعيٍ فكرك ودرب الشعـر كلماتـك تدلـه
لك تحياتي وتقديري من الارض لسماها=من حرارتها تمر الغيث كالـودق وتهلـه
عبدالطيف العوفي

قـم بهـر الـدلـه ولاتسـكّـر الـبـاب=الكيـف طـاب وطـيّـب الله شـرابـه
جانا الوهيداني معه سحر الالباب=سيفٍ تحدث شذرتـه عـن نصابـه
الشاعر اللي حاز له قدر واعجاب=صـح الله لسانـه وضاعـف ثوابـه
عبد الطيف العوفي

يامرحبـا ترحيـب مــن بـالاسـر غــاب = ومنه انقطع حبل الرجـاء فـي غيابـه
ومنه ائيسوا كـل الجماعـه والاقـراب = مايـنـدرا وش بـوسـط الـحـرب صـابـه
رجل(ن)فعولـه بيـن ربعـه والاجنـاب = منـهـا طـلـع صيـتـه وكل(ن)حـكـابـه
سمـي بهـا كحيـلان حـلال الانـشـاب = وكــــل الـعـلــوم الـطـيـبـه تـلـقـابــه
وعقب الغياب اللي منه عارضه شاب = الـلـي جـرالـه وهــو بـــاول شـبـابـه
تباشـروا فـي عودتـه كـل الاصـحـاب = وعـــم الـفــرح جمـاعـتـه والـقـرابــه
يامرحـبـا ترحيبت(ن)مالـهـا حـســاب = نجـم سمـا ماينحصـى فـي حسـابـه
بسليل عوف اللي من الموت ماتهاب = الـلـي لـهـم قــدر و وجــاه ومـهـابـه
ومنازل(ن)علـيـا عريبـيـن الانـســاب = ورجالـهـم فـعــل الـمـراجـل هـبـابـه
هبة هبوب الشعر في غال الاطيـاب = ولـبـس لــراع الطـيـب غـالـي ثيـابـه
لصاحـب اللـي فعـل يمنـاه الاسبـاب = وعـنـدي رفــع قــدره وعـــلا جـنـابـه
عبـد الطيـف اللـي فـتـح للـوفـا بــاب = ولاصــك دون الـطـيـب والـعــز بـابــه
هــلا هــلا ملـيـون يـازحـل الاشـنـاب = يـاذيــب يـانـسـل الــرجــال الـذيـابــه
فيـك افتخـر مانـي مجـامـل وكــذاب = والشعـر مــن شـانـك اتـعـب اركـابـه
ومن مافتخر في مادحـه علـه الـداب = اللـي يـذوق المـوت مـن ســم نـابـه
جاتـك مـزونـن برقـهـا اللـيـل شـبـاب = مــن برقـهـا كل(ن)ظـلامـه سـرابــه
يـرجـف رعـدهـا ورشـهـا بالـبـرد ذاب = وبالبـيـد تـجــري سيـولـهـا وادعـابــه