موقع الشاعرغازي البراك موقع الجميع - الله واكبر .. حتى الاشواق تغتال ؟؟

- ساحة الشعر والادب (كتابه)(صوت)(شيلات) (http://www.gazialbrak.com/vb/forumdisplay.php?f=22)

- - الله واكبر .. حتى الاشواق تغتال ؟؟ (http://www.gazialbrak.com/vb/showthread.php?t=9093)

الله واكبر .. حتى الاشواق تغتال ؟؟

بأي سوق أقدر أشتري راحة البال ؟
وإلى متى أبسهر الليل وحيد ؟
حبيبتي بقول والصدق ينقال
من غبتي وانا أصفق الايد بالايد
أحس مات العيد في عيون الاطفال
وتجمّدت على الشفاه الأناشيد
من وين ما طالعت .. صادفت تمثال
وكلما زرعت أفراح .. جنيت تنكيد
الله واكبر .. حتى الاشواق تغتال ؟؟
وين الرسايل والوله والمواعيد ؟
ماني مصدق .. كيف نوصل لهالحال ؟
اشلون انا ماشوفك بكشخة العيد ؟
كنت فـ بداية حبنا أرسم آمال
واليوم ماغير البكا والتناهيد
أرتاح من ترحال وأدخل بترحال
دايم اكرر سيرة الحزن واعيد
من ألف بنت يجيني كل يوم مرسال
ولا أطالع غيرك انتي من الغيد
أبي أحبك وأنرزق منك عيال
واسمع من امي اللولشه والزغاريد
وبظل احبك حتى لو العمر طال
وخرّب على وجهك ظهور التجاعيد
يا عاليه مثل القمر فوق الجبال
يا ناضجه مثل العنب في العناقيد
تدرين شنهو الدمع في خد رجال ؟
يعني الأمل.. بعيد .. بعيد .. بعيد