حادي الصمت ما عندي لصمتي بديل=وانت ليله تغافلها الجـفا مـا درت
ويـن اودّيك يـا هـــمّ ٍ بقلبي ثقيل =جعل تسري بك الليله ليامن سرت
ايه خايف على دمعة عيوني تسيل=ما قدرت اتجاهلها وهي ما أقدرت
كانت اصعب على نفسي من المستحيل=لين سالت على شان الغلا وأعبرت
عزّتي تطلب الفرقــا بيوم الرحـيل =لو جروحي على طول العمر ما برت
جيت عابر سبيل ورحت عابر سبيل=والمحبه ربت في داخلي وأكبرت
انت ياللي ليا مالت جروحك تميل =الليالي خذت منـّي وما قصـّرت !
لا تسولف ترى ليل المفارق طويل=كـل كلمه على بالك فبالي طرت
شوف عيني وتلقى للمحبه دليل =مير نفسي لتقليب المواجع ضرت
طوّل الصمت وأربكت الشعور الجميل=قلت اببعد مدام ان الجروح أكثرت
خل دمعك يسولف للـوداع ويسيل =والا انا دمعتي طاحت وهي ما درت

أبيات جميلة وموفقة يا البيان التالي

صح لسانك