سلام ياصاحب(ن)خوتك تجلا الهموم=ياشايل الطيب لو صارت حموله ثقال
ياللي بابحر الكرامه والمراجل تعوم=وامواجها اللي تلاطم من جنوب و شمال
جمعان لاجا الزوم ولو يكون الزوم=بالفعل والابجاه رجال والا بامال
لاغابو بساعة الشده عيال الرخوم=اللي بوقت الرخا بالهرجه اطيب رجال
يانجم ياسطع(ن)بالطيب وسط النجوم=ياراجم ابليس وعوانه بروس الجبال
ياحر ياللي على الجزلات دايم تحوم=ياللي بالاثمان والهده ضربك مثال
يامزن وسم(ن)تزايد بالرعد والغيوم=يزيد نوه وبراقه يفج الخيال
لاجا نهار النخاوي والفزع والهجوم=وطارت عقول الرجال وحل فيها الهبال
وثخا طلي النعيم اللي مزبر شحوم=وغدا عن الدرب من قو الهرع والجفال
ماتنقل الهرجه الا من صدوق العلوم=والا ملفق علومه هرجته ماتقال
كم من غني من علوم الطيب مات محروم=محدن درا عنه حي ويوم شد الرحال
ومايكسب الطيب غير اللي قوي العزوم=لو عاش كل العمر دنياه مستور حال
والا الردي لغتنا انكر جميع السلوم=ونسا مواقف ربوعه يوم شهب الليال
ولو هو تكشخ بغال العطر واغلا الهدوم=ما طاب ذكره ولانجب للمراجل عيال
الا ايذا البوم ينجب حر والحر بوم=لكن مابه امل بامر الولي ذ الجلال
واهل الردا طيبهم تخيلات وحلوم=والا على المرجله مايدفعون الريال
وليا سمعوا فيه للفزعه تجمع ويوم=غابو وجابو عذر من دونها جبر حال
لو ماخلق بالرجال رخوم عكس القروم=ماصار به حاجت(ن)تقضا ولاضاق بال

صح السانك وعتلا شانك
قصيده رائعة من شاعر رائع
تقبل مروري