معك السوالف غير ومقابلـك غيـ
للشاعر / مشعل عوض العتيبي معك السوالف غير ومقابلـك غيـر الله عطـاك مـن السوالـف حلاهـا لك في خفوقي حـبّ ثانـي وتقديـر ومكانةٍ تصعـب علـى مـن بغاهـا ولك في عيوني ياعيونـي مشاويـر ولك من فياض الشيح نسمة هواهـا ان جيتني جبت الفـرح والتباشيـر وان غبت عن عيني يجيهـا بلاهـا غالي بعيني لو بـدا منـك تقصيـر ماتـدري انـك ياحياتـي غلاهـا؟؟ غلاك وسط القلب من غيـر تفسيـر والعين ماغيـرك حبيـب(ن) ملاهـا ألغيت من فكـري جميـع الغناديـر يحـق لـي يـوم افتخـر وآتباهـا يفزّ قلبـي بيـن الاضـلاع ويطيـر شوفك هنـا روحـي وقربـك ماهـا تفداك روحي ماحسبـت المخاسيـر وتفداك ناس(ن) همّهـا فـي لغاهـا تجني عليّ ان قلت (تصبح على خير) كلمه واحسّ الـروح تطلـع معاهـا |
رد: معك السوالف غير ومقابلـك غيـ
مشكور يالدكتور على نقل هذه القصيدة لشاعر غني عن التعريف
الشاعر مشعل عوض العتيبي لاهنت يعطيك الف عافية وتقبل مروري |
رد: معك السوالف غير ومقابلـك غيـ
صـــــــــــح لسان الشاعر/ مشعل العتيبي وسلمت يديك يالدكتور على النقل لا عدمناك تقبل مروري |
| الساعة الآن 10:19 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir