في كل جمعه تمـر السبـت قافلـه
في كل جمعه تمـر السبـت قافلـه=وايام لوهي مضت بالعمـر دواره وتحسب من العمر وتنقص منه كله=والوقت فيها محد يدري عن السراره وعزي لمن ضاق باله والزمن علـه=والهم بقصا ضميره ولعـت نـاره الله من طارين قلـب العنـى تلـه=تلت طريح الحرار اللي على اوكاره قلب(ن)ليا اقبل ظلام الليل نادلـه=همومه اللـي تجيـه افـواج زواره امور قامت تحوف القلـب وتذلـه=قلب(ن)يتله عناه وكثرت افكـاره عزي لقلبي عقـب شيـن تبيلـه=وعزي لمن جور وقته شين اخبـاره يالله ياللي تغفـر الذنـب والزلـه=يامالك الخلق والارزاق واعمـاره يافارج الهـم والمرضـان مشفلـه=يافارق الخلق في ذوقـه وبنظـاره سترك وعفوك وعقد امور(ن)حله=ياموزع الخلق في دنيـاه وديـاره |
رد: في كل جمعه تمـر السبـت قافلـه
صح لسانك ياامير الشعر والدويلة يستاهل وتقبل مروري وسجل اعجابي بما يكتب قلمك يابو فيصل |
رد: في كل جمعه تمـر السبـت قافلـه
استاذي الشاعر خليف اسعد الله جميع اوقاتك بكل خير وصح الله لسانك مدد بلا عدد واعتلا شانك أرويتنا شعر ولاهي غريبه على شاعر يحمل مكانت الشاعر خليف بن خلف وشهادتي مهما قلت مجروحه والتعبير يخونني ولاأتمكن من التعبير التي تستحق القصيدة وشاعرها ولاكن اقول فرج الله عنا وعنك الهم وكل المسلمين ويسترنا ويغفرالله ذنوبنا جميع تقبل تقديري واحترامي لشخصك الكريم وتقبل مروري المتواضع |
رد: في كل جمعه تمـر السبـت قافلـه
اقرئك السلام ... وجل الاحترام ... وجزالة الكلام
ابو فيصل ... تكتب القصيدة بعفوية مطلقة دون تكلف القصيدة سهلة ممتنعه جزلة المعنى تظهر للقاريء مايضمر الشاعر هنا ... خليف ... والقصيدة على الكيف ... فشكرا |
رد: في كل جمعه تمـر السبـت قافلـه
صح لسانك واعتل شانك
|
رد: في كل جمعه تمـر السبـت قافلـه
صح السانك
شاعر له ابداع خاص وشعر جزل ومعناه يقل من يصورها تقديري |
رد: في كل جمعه تمـر السبـت قافلـه
صح السان الشاعر القدير /خليف الوهيداني
قصيدة طيبة جزلة تحمل في طياتها المعنى الكثير الله يفرج همك تقبل تحياتي وتقديري،،،، |
رد: في كل جمعه تمـر السبـت قافلـه
انت شاعر ياخليف مالك مثيل على وجه الارض
|
رد: في كل جمعه تمـر السبـت قافلـه
صح السانك الابداع ماهو غريب عليك الى الامام
|
رد: في كل جمعه تمـر السبـت قافلـه
صح لسانك ياامير الشعر والدويلة يستاهل وتقبل مروري وسجل اعجابي بما يكتب قلمك يابو فيصل |
| الساعة الآن 05:54 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir