مرني في حلم ليل وصارعه فجر الصباح = واستحى منه المعنّى يوم فجره صارعه
قال وينك ؟ ماسألت و قلت ياسيد الملاح= والله إن الشوق عندي فاق كل متابعه
قال قدري ويش يسوى ؟ ثم تبسم بإنشراح= قلت تسأل وإنت تدري بالغلا وش طابعه
قال وش بالوقت ضدي ماعطا غير الجراح= ولا ضحك لي في زماني كود عين (ن)خادعه
فرّقوا بيني وبينك وأعلنوا هالإجتياح= أحرمونا الإجتماع وصار قصة فاجعه
قلت مالك غير تصبر والصبر رمز الكفاح= لا تهيأ لك ظنون وشوف شمسي ساطعه
ماعليك من الهروج وخل وضعك بإرتياح= وإن قسم ربي تلاقي تستلين المانعه
لاتحسب إنه برود و لا تقول الحب راح= والله إني دون شوفك كل سم (ن)جارعه
أعشقك وأعشق وصالك بالغدو وبالرواح = ولا عرفت إنسان غيرك يستحق أطالعه
إنت نور الكون كله مكتسحني إكتساح= والمشاعر في حضورك ياغناتي خاضعه
ولو أقول إني نسيتك لاتصدقني (مزاح)= إنت بس اللي ذكرتك والفوارق شاسعه
إنتهضت من الفراش وقلت يابعد المراح= ليت فجري ماتعجّل بالحضور وقاطعه

ماعليك من الهروج وخل وضعـك بإرتيـاح
وإن قسم ربـي تلاقـي تستليـن المانعـه
لاتحسب إنه برود و لا تقـول الحـب راح
والله إني دون شوفك كل سـم (ن)جارعـه

النمر1012 بيض الله وجهك ارويتنا شعر بنقل ددر شعريه
تحمل مستوى هذه القصيدة والتي يدل على اتذوقك الراقي
والجزل لنقل درر شعر
وصح الله لسان الشاعر / عبد الله الخنيعان الشراري شاعر جزل ومتمكن
سجل اعجابي بماتنقل لنا يمناك لاعدمناك يالنمر1012