موقع الشاعرغازي البراك موقع الجميع - ماهو خطأ قلبي اذا قام يبكيك ~

بسم الله الرحمن الرحيم

السلام عليكم ورحمة الله وبركاته

صباحكم / مسائكم محبه ،،

.
.
.

ماقد طلبت وقلت لك مقدر اعطيك
ولاقد جرحت وقلت لك : انت جاني

وماقد سهرت الا وعيني تراعيك ؟
ولاقـد رقـدت الا وطـيـفـك لـفـانــي

بس الغريب اليوم ماعاد اعنيك
وماعاد تفرق لوشكيتـك زمـانـي

بي دمعة ٍ لو شفتها يوم تبكيك؟
صارت بغيابك ماتـفـارق مـكـانـي

دمعة غريبه يوم حلت خطاويـك
سالت تـقـول الـيـوم خـلـي نسانـي

حتى الدمع بعيون خلك يناديك
دمـعـي على فـرقـاك واللـه كـوانـي

اربع ثواني عشتها هايم ٍ فيك
هـذا وهي ياصـاحـبي (4 ثواني) !!

وشلون لازادت ليالي بطاريك؟
خـايـف مـع الايـام انـسـى اخوانـي

ليتك تشوف الدمع بعيون مغليك
يـمـكـن مع الايـام تـرجع عـشــانـي

وكانك رجعت بيوم ماعاد ابغيك
خلاص يكفي مامضى من زمانــــي

اول شريتك يوم انا مغرم ٍ فـيك
واليوم بعتك يـوم قـلـبـك نـسـانـــــي

دور على غيري يحبك ويغليك
حاول تحـب وتـخـون انـسـان ثـانــي

ماهو خطأ قلبي اذا قام يبكيك
هذا خطأ حـظـي وغـلـطـة زمـانـي !!

تحياتي :

فـهـد الـبـراكـ