خوية درب عمري ماخذاني دونها النسيان
السلام عليكم ورحمة الله وبركاته .. وشخبااااركم .. المهم جايب لكم قصيده .. عاجبتني وبنقلها لكم .. وغناها " خالد عبدالرحمن بعنوانــ .. ++ العروس ++ وهي احد ابداعات الشاعر :. ناصر القحطاني .. خوية درب عمري ماخذاني دونها النسيان وأنا يا اهل الملامه ما رغبت العيش وحداني + + + + + ابي لي مهره ماعسفت صغيره وبنت حصان ابوها اللي يفك المشكله ويزبن الجاني + + + + + واخوها لا تعزوى باسمها فزوا لها العربان يحق لها الفخر في قولة آل فلان جداني + + + + + أبيها في بحر عشرين لا زود ولا نقصان أبيها اقصر طويلة والوصوف اشكال والواني + + + + + أبي الجبهه كما الصبح وكما القوس اسود الحجان وابيها ناعسات ونرجسيه سود الاعياني + + + + + ابي رمش كما ريش يغطي الثلج فالاوجان وابي جفن يشيل الرمش طربان وكسلاني + + + + + ابي خد كما ورد تنّمى في طرف بستان وابي خشم صغير ومثل حد السيف شاماني + + + + + ابي البسمه كما البرق وثناياها كما المرجان شفاها جمرتين وفمها خاتم سليماني + + + + + ابي شعر مثل ذيل الفرس لا طبّت الميدان او الشلال لامن بات ليله بين الامتاني + + + + + ابي جيد سوات ابريق فضه ناتق مليان وصدر كنه مرايه عليها طلع رماني + + + + + ابي ظهر كما الجدول وقدّ مثل غصن البان وخصر مثل مجدول الاعلان وجسم روياني + + + + + ابيها نابية ردف وبطن ظامر جوعان ابيها مدمج ساق وقدمها لسان ثعباني + + + + + ابيها بنت عز من رغدها ينعم الفستان ابي الرقه وابي الدقه لها باطرافها شاني + + + + + ابي المشيه كما اللي طالع من المعركه كسبان وابيها ترش مع خطواتها مسك وريحاني + + + + + ابي صوت الى مني سمعته كن فيه الحان يدغدغ مسمعي ويثير كل السحر فاشجاني + + + + + ابيها حب واخلاص وهواجيس وفرح واحزان ابيها مثل ما دكتور اهالي العشق وصاني + + + + + ابيها لوحة ما صورتها ريشة الفنان ابيها جوهره ما جابها قاصي ولا داني + + + + + ابيها تنتصر لي من زمان حطني نيشان وتبشر بالغلا اللي مالفى به واحد ثاني + + + + + مهرها قلب وشعر يهز القلب والوجدان وألبسها القصيد وتصبح اوزاني وقيفاني + + + + + ابي اللي فات واللي فات صعب ومن لقى العنوان يرد العلم ولا افضل ابقى اعيش وحداني + + + + + اتمنى عجبتكم وحازت على رضاكم وعجابكم .. اعلان >> على جميع البنات في المنتدى يدورون لي وحده بهالموصفات << http://www.qadsiafans.com/fans/image...gue[1].gif تقبلو خالص احترامي لكم .. اسيرالحبِ |
رد: خوية درب عمري ماخذاني دونها النسيان
هههههههههههههههه
ماراح تلاقي هذه المواصفات لازم طلبيه هع اختيااااار موفق ورائع تقبل مروري وردي ... |
رد: خوية درب عمري ماخذاني دونها النسيان
اقتباس:
المشاركة الأصلية كتبت بواسطة الشمالي http://www.gazialbrak.com/vb/gk/buttons/viewpost.gif هههههههههههههههه دوووم هالضحكه عسى الله لايحرمنا منها ومن راعيها ماراح تلاقي هذه المواصفات لازم طلبيه هع بنلاقي انشالله بس اطرح البال على بنات الشمال واذا مالقينا يبيلنا طلبيه من بلاد الشام وما جاورها اختيااااار موفق ورائع الله يوفقك ويسعدك وشرفت ونور الصفحه تقبل مروري وردي ... مروورك اثلج صدري وردك اسعدني شكرا لتنويرك صفحتي ومرورك الرائع ربي لايحرمنا عبق تواصلك المشرف لك ودي وتقديري دمت بود وحب اسيرالحب |
رد: خوية درب عمري ماخذاني دونها النسيان
عز الله بيبطي ماتزوج واذا بتسوي مثله ان شااءلله بجناات االنعيم يعوضك الله
بس يااسير االحب الي بيشترط كذاا لازم يصير كاامل الموصفاات مو يتشرط وهو راايح برجلهااااااااااااا هههههههههههههههههه <<<< مااقصد ااحد تقبل مروري |
رد: خوية درب عمري ماخذاني دونها النسيان
اقتباس:
المشاركة الأصلية كتبت بواسطة الراســــــي http://www.gazialbrak.com/vb/gk/buttons/viewpost.gif عز الله بيبطي ماتزوج واذا بتسوي مثله ان شااءلله بجناات االنعيم يعوضك الله لايبطيي ولاشي وانا حط اعلان ابي هالمواصفات ربي يرزقنا وياااك بالحور العين بجنات النعيم بس يااسير االحب الي بيشترط كذاا لازم يصير كاامل الموصفاات اخوي الراسي لك تحيه واحترام ولكن لايوجد احد كامل الكامل وجهه الله سبحانه وتعالى مو يتشرط وهو راايح برجلهااااااااااااا هههههههههههههههههه <<<< مااقصد ااحد تقصد ولا ماتقصد الواثق من نفسه لايهمه اي قصد والحلى حلى الروووح الحلوة كروحك المرحه تقبل مروري مروورك اثلج صدري وردك اسعدني شكرا لتنويرك صفحتي ومرورك الرائع ربي لايحرمنا عبق تواصلك المشرف لك ودي وتقديري دمت بود وحب اسيرالحب |
| الساعة الآن 04:04 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir