سلام من شايبٍ يثبت ثبوت الشباب= ماتهزه الريح لو هبت عواصيفها
بنت الهلالي بذمة عود وافي جناب= يدَه وراء خصرها وكيفه على كيفها

يامرحبا فيك يا الشايب ذري الحجاب=وبنت الهلالي تراي اعرف سواليفها
ماتقبل العود الاشهب لو يحط الخضاب=في لحيته ضيفها .. ماهو بهو ضيفها

حنا كرام اللحاء حنا رجال الصعاب= يوم الليالي قشر ياصعب توصيفا
سوالفٍ ياولد منها يشيب الغراب= وانا ليا جيتها ماغيري ييضيفها

ياعم كلٍ يقول انه عقيد الركاب=الله يجيرك من الدنيا وصاديفها
قل لي وش اللي حصل لك من سرور وعذاب=يوم انكم تاكلون النخله وليفها

لو كنت عايش معي عصر العناء والذهاب= شفت السباع المجيعه في مشاريفها
تكسب جلادة رجال وصبر مثل الهضاب= ولا تلمس المغريه لو ترقد اطريفها

يالعود خلك مع اللي مالها غير ناب=اللي ماتتعبك يالشايب تكاليفها
البنت تبغا ولد منها يطش الثياب=والا انت ترتاع لو تلمس سراجيفها

الله يغفر لها ماتت من الاكتئاب= راحت وخلت عناء الدنياء لمواليفها
شايبك ما يورد الضامي لضوح السراب = وان جا الهنوف اتركت جملة ملا قيفها

دامك خذيت النصيب وقد كليت الزهاب=وش مجنف اجنيف يجنف مع جراجيفها
قله يحسب حسابه قبل يوم الحساب=قدام خطفه تخطفه في خطاطيفها

دور لشايبك مزيونه عليها نقاب= خل العلوم الضعيفه مع مضاعيفها
ارحب وترحب رحايبها وترضى رحاب=مصروفةٍ صرفها يصرف لتصريفها

انا اشهد انك هذاك اللي يسمى العقاب=مخالب ايديك واضحتن مجاريفها
اما سميره وفوزيه وريم ورباب=لحيتك يالعود مايبغن اطاريفها

عقاب ياصاحبي يعرف شقيقة حجاب = لكن لا تعيفها لينني اعيفها
ان كان يبغن اميلس خد مثل الكتاب= يشري مثل مشتراها يهيف مع هيفها

بيني وبينك ليا عسعس شبيه الضباب=ولجة باذانيك قومن ريفنا ريفها
ماهي سوالف خدود الوضع دفع النصاب=غبة بحر وانت ماعندك مجاديفها