لشعر وقت وداعي الشعر له شأن= واليوم جاء وقته ولابه معاذير
اخترت من طرقه جزيلات وسمان= ارقى مع العالي وخل المحادير
شرد تصيدها كما صيد غزلان= وطلع بها طلع الحرار المشاهير
شاعر ولي بالشعر مبدا وعنوان= وشفق على مدح الرجال المناعير
وكان الردا له باب لطيب بيبان= وحياك ياللي له معزه وتقدير
وقطفت من ماطاب للشيخ سلمان= تهدى لزبون الطايله والمخاسير
شيخ لياعدوا هل الطيب له شان= متعلي شانه ولافيه تقصير
ابن دغيم ماخفى طيبه يبان = منصى ومزبن بالليال المعاسير
الطيب كسب له سلايل كحيلان = الطيب ساسه محتمين المظاهير
طيبه قديم وارثه ورث جدان =ورث ورثه من الرجال المناعير
كسب لبوه وكسب جده حنيان= جده عفر خصمه على جمة البير
مظرب مثل يعرف على على دين الاخوان = لليوم هذا عنه نشر التقارير
افعالهم تبقى على مر الازمان= سطر لهم تاريخ الافعال تسطير
والقول صدقه له شواهد وبرهان= والمدح مايرفع رجال معاثير
ومن دافع التقدير لشيخ سلمان= جتني بيوت الشعر ورد ومصادير
وماقل دل وقالها الشيخ راكان= واهديت ماقلته زبون المخاسير

صح لسانك يابوعبيد على هالقصيده الجزله
بمن يستحق المدح الشيخ سلمان ين دغيم المشعلي
وهذي بطاقة شكر وتقديرمن ادارة موقع الشاعر
غازي البراك على جهودك الواضح في جميع الاقسام
تستاهل يامشرفنا العزيز
http://up.arab-x.com/Dec09/7k928309.gif

صح السانك يابوعبيد الحقيقه قصيده روعه
من الجمال ما اجمل ماكتبه قلمك كاعدتك
ياشارنا المبدع دائماً التميزوالابداع
ويستاهل الممدوح
تحياتي العطره لشخصك الكريم