مالك ومال علوم حاسد وهلاس=ماعاد معهم صك حصر الادله
عدوكم ودك وراء دار مدراس=واللى طراله وصلكم ماحصله
لولاك مادارك لها مولعك داس=دارك الى طالع حدوده عدله
كمل حلاك الله وطول لك الراس=الورد والعود المورد عمله
للراس عطر وللصدر لامع الماس=محلى سلاسل لامع الماس هله
هلا هلا ما حط للدلو والامراس=وماصر محاله على الماء وصله
ومامد سراح وماراح عساس=على الحرار وكملوا كله دله
ود اوده لك له أصول وله ساس=صح على صح والإسلام مله
أحلى المهار المالكه سلم الكاس=ملاكها صار السعد مسهمله
لولاس ود معادل الروح لولاس=لولاس ودك صار همٍ وعله
حال الحسود وحاس سر الهوى حاس=وعلى المود الأمر وأكود حله
لا والله إلادك داكوك وسواس=طار الكرى والسهر عود محله
أسهر كما الساهر على المال حراس=مسؤول لأموال وهو حارس له
أسهر على عكس الملا سهر الأدماس=واعد لماع السما والأهله
كم للموده هموم والهود دراس=والصارم المسلول لعداه سله
صدره كساه الدرع والراس له طاس=كله عدم مار الهوى ما سهله
حاله طواه الهم للحال حماس=سمه هوى السحار والحال سله
الود له حمى وألم راس واعماس=راع الهوى عده على حر مله
ارحم رحمك الله لك ادراك واحساس=اعط الوداد مسلم الود كله
وصلوا على طه عدد رمل الاطعاس=وصلوا عدد مامطر الوسم عله