السوق مالي يا يبه فيه غرضان = اخير عندي منه ذيك الجذيبه
تهف فيّ النود هفّات الاغصان = اغصان عيدان طوالٍ عسيبه
لولاي اداري خاطرك يا ابن جمعان = ما جابت الورقا بجنبك لجيبه
السوق تطرب له وانا منه عمسان = عدو عينك في حياته بلي به
السوق والله يا يبه سوق هدلان = سوق الكويت اللي عزيزٍ غريبه
يا ليت لي ميقٍ وقضاب سكّان = واشرف على ذيك الديار العجيبه
دارٍ أليا طبّيتها خاطري زان = وفراقها همٍ علي وغصيبه
عندي شوارعها نهور وبستان = مساكن الجدان عندي حبيبه
لو اهني من شاف «مشرف.. ودسمان» = و«الشعب» قصر اللي حكمنا بطيبه
و«السالميه» شاف اهلها بالاعيان = ومناطق الديره بعيد وقريبه
ألقى دواوين بها كل ديقان = رفاقةٍ والجد واحد عريبه
عزوّة جميع جموع ذربين الايمان = ما كان قلبه صاملٍ بنتخي به
لا عقلوا ذرعان حلوات الالبان = يجي لهم نصر وعز وهيبه
ذبّاحة للشيخ في وقت الاكوان = وطابور خيتول طوالٍ سبيبه
ماني بفضّل مجلس فلان وفلان = كلٍ طيابة خاطره من نصيبه
والخاتمه ذكر الولي رافع الشان = عداد ما هل السحاب بصبيبه
نوٍ سكب غيثه يسحبٍ وودان = لا زل عشر للاحيمر مغيبه