سؤال عن افضل صاحب صوت رشيدي
الاخوان الكرام
السلام عليكم ورحمة الله وبركاته من هو افضل ملقي قصائد او منشد او صاحب شيلات رائعه ... ويكون رشيدي ؟ سواء كبير بالسن او صغير من لديه احد يعرفه يكتب اسمه مشكورين |
رد: سؤال عن افضل صاحب صوت رشيدي
هلا والله ابو عايض
من طول الغيبات جاب الغنايم بالنسبه لسؤلك اعتقد بان الشاعر / سهل نافع يملك صوت لاباس به وهناك شخص يدعى / علي بن ناصر ( البرج الهادي ) متخصص بغناء لحن الهجيني خاصه ويملك صوت رائع وايضا هناك المشرف العام بدر البدر يملك صوت جيدا لكن مايصلح للاناشيد الاسلاميه والشيلات يصلح للعود والموسيقى وبعدين اذا كان لديك قصيده تريد صاحب صوت جميل ان يغنيها شيله ليه لازم يكون رشيدي هناك اصوات من قبيلة مطير مثل فايز العوني ومن قبيلة عتيبه مثل مهنا العتيبي وغيرهم الكثير يابو عايض الله يهديك حتى بغناء الشيلات عنصري تقبل مروري . |
رد: سؤال عن افضل صاحب صوت رشيدي
هلا ببو العبسية :)
يالله حيه شلونك عساك طيب اول شي ماقصرت على الاجوبه الكافيه الوافيه واذكر فيه ولد شباب صغير مدري عجوني او قلادي الخطاء مني انا ويقولون صوته جيد الله يحفظه ويخليه توقعت انك تعرفه عموما بالنسبة لبدر البدر ونعم فيه ... ولاترده بعد ماخلى الموسيقى ........... اخاف بعدين يجبرك على المرواس وتنحرج معه :) ههههه ماتقدر ترفض له طلب الله يهديك ياهاوي نجد خليتنا نستلم الرجال وهو غايب ( اكيد يبي يسامحنا ) اما بالنسبة للعنصرية وش اسوي ياخوك الشكوى لله تسري بالدم :) |
رد: سؤال عن افضل صاحب صوت رشيدي
هلا وغلا
ابو عايض شكلك توك تنتهي من المشروع السابق وتفرغ لنا الله يلبسك الصحه والعافيه ويوفقك بالنسبه لصوت فيه اكثر من واحد ولكن الشيلات لها طريقه خاصه واداء خاص وفيه واحد بالقصيم ولد حميد البراك وفيه واحد شال العام الماضي قصيدة غازي البراك في ابل الخنفور وهو المنشد المشهور عثمان المرشود واتوقع الشيله موجوده وممكن تسمع صوته - نرجع لهاوي اقوله احفظ كلام الجريمي الفرج قريب ان شاء الله تحيتييييييييييييييييييييي |
رد: سؤال عن افضل صاحب صوت رشيدي
هلا فيك يابو عايض فيه الشاعر مشاري بن سرهيد صوته الاباس به
|
رد: سؤال عن افضل صاحب صوت رشيدي
تسلم يابدر البدر على هالمعلومات .... وانا لو غبت قلبي معكم
شكرا ابو يوسف على المعلومه الحلوه .. وجميل ان يكون المطلوبين في منطقة القصيم وحائل بارك الله فيكم وننتظر باقي الاخوان يمكن يزيدون الطيب طيب |
| الساعة الآن 01:43 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir