محاورة صياف عواد ومحمد بن جرشان
السلام عليكم ورحمة الله وبركاته هذه المحاوره أعجبتني فأحببت أن أنقلها لـــــــــــــــــــــــــــــكم ،،،،، صياف يامرحبا ترحيبة عندها ناشد ومنشود **** والي يدور للغلا لا يبات الا بسوقه ما دام بن عواد موجود ضلع طويق ممدود **** يوجعك لو يطيح فوقك ولو تطيح فوقه ابن جرشان يا الحربي يا المقرود زعلت لك تسعين مقرود **** وغليص لو قاد الجمل يجبرك بكرة تسوقه والمشكلة لو هي بسيطة عرفت النقص والزود **** لو كان نيبان الجمل ماتغطيها شدوقه صياف إن كنت رجال محنك تروح الصبح وتعود ***** تعرف طعام يجرح الحلق قبل انك تذوقه المشكلة ماهي كبيرة لا كن السيف محدود **** والثوب لو يبعد عن النار ما تكثر شقوقه ابن جرشان يا صاحبي ما احسبت دخلك مع اهل الدخل محدود **** واثرك كما عود الثمامة قصيرات عروقه لا يطرحك في النار والتهلكة حامد ومحمود **** وتضيع تالي الليل في زهقت النفس الزهوقة صياف انا عطيتك شربة الماء لكن العد مورود **** كلن يوقف في طريقي ويطلبني حقوقه انته زعلت وقمت ترسل علي جيش وجنود **** لا كنك كل التمر روح ما تبقى إلا عذوقه ابن جرشان يا صاحبي صياف ما نته لها كالدرب محدود **** ما حدً جبرك تسير مع خط بيده ومعشوقه مير التباهي والتفاخر يسبب كسرت العود ***** وانته ليا بقت العهد صاحبك لازم يبوقه صياف اليا هرجنا با الامانة يسير الدرب مجرود **** واليا سرقنا حكمنا يقطع اليمنى السروقه إن كان عندك سالفة شوف حمل شعيل مشدود **** لا كن لا يبرك بحمله ويرغي من فتوقه ابن جرشان عدل عضودك قبل لا تلتفت لعضود جلود **** جلود با المشعاب بو راس ماتوخذ حقوقه واليا تعديت الحدود الصحيح يثور بارود **** ما نيب مكرم شاربك وانت لحيتك محلوقه صياف انت علامك مختلف والعلوم اسهود ومهود **** يا هيه لا تنثر زهابك ولا تقدر تحوقه ثورت بندقك العزيزة بلا بارود وزنود **** الله لا يجزاك با الخير يا الرجلُ السبوقه ابن جرشان يا صاحبي بعض السوالف لها جهده ومجهود **** وتخلي الفلاح يسقي النخل يجني عذوقه كم قلت يا صياف درب القشر والشين مسدود **** لا كن قامت تشعفك صوبنا برقا وروقه صياف اصبر شويه ثم اولع على القرصان وتجود **** وانشق المجنون صبره ويصحى من نشوقه لا بارك الله فا البعير الشرود اقليل الفـــــود **** الي لا مني لحقته يزعلني لحـــوقه |
رد: محاورة صياف عواد ومحمد بن جرشان
الله عليك وهذا النقل لمحاوره قويه بين شاعرين عمالقه في شعر المحاوره( رحم الله صياف)) وطال الله عمر بن جرشان
وبيض الله وجهك ثويمر العجوني //على حسن الاختيار::وتقبل تحياتي |
رد: محاورة صياف عواد ومحمد بن جرشان
ياسلام على هالمحاوره الرائعه ومشكور ياشاعرنا ثويمر
|
رد: محاورة صياف عواد ومحمد بن جرشان
محاورة من أجمل مآسمعت ولانستغرب جمالها اذا عرفنا منّ شعرائها ’’
لك الشكر الكثير يآبو نايف ولاهنت على الاختيار الرائع والموفق" |
رد: محاورة صياف عواد ومحمد بن جرشان
الله عليك وهذا النقل لمحاوره قويه بين شاعرين عمالقه في شعر المحاوره( رحم الله صياف)) وطال الله عمر بن جرشان
وبيض الله وجهك ثويمر العجوني //على حسن الاختيار:: وتقبل تحياتي |
رد: محاورة صياف عواد ومحمد بن جرشان
صح السسانك ششي جميل
فيصل الراااك |
| الساعة الآن 02:13 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir