وانفسي اللي عقب ماراح مكلوفه مرثية بوالدي يرحمه الله
مرثية بوالدي يرحمه الله
مرحوم ياللي فقدت اليوم أنا شوفه =يالله عسى جنة الفردوس منزاله ******** type="text/**********">doPoem(0)***********مرحوم يا مكثر الترحيب بالضيوفه=قولت هلا عادته لاجيت مدهاله مرحـوم ياواحـدٍمايمـن معروفه =والقول ماينقله من واحدٍ قاله ولايبين فـيه الزعل لويحترق جوفه =يحضنا أن كان فينا واحدِ جاله عز الله أنه قـليل الناس بوصوفه =ونه قليل الزمان يجود بمثاله وانفسي اللي عقب فرقاه مكلوفه= تروح للهم رجيله وخياله تقول نفسي عقب ماراح منصوفه =نصفٍ معه بالقبر واللي بقى لحاله علي بالبيت يـطري كـني أشوفه=يطري عليه لياطالعت بدلاله الياطـرالي يـجي للبال عاصوفه=ينتل قلبي تليل الونش لحباله تحـز في قلبي الحـسرات وتحوفه =يضيق صدري وسج وحالتي حاله والله ماللوم نفـسٍ فيه ملهـوفه =ولاللوم عينٍ عقب فرقاه هماله ولاللوم قـلب ٍ بجال القبروطروفه =ماكنه الاقبل يومين ترحاله لاعل بكتابه الزلات مـحـذوفه=ولاينكتب غير فعل الخير بعماله في جاه من يدفع السيات وصدوفه =أهوالذي يجزي الانسان بفعاله ويالله عسى جنة الفردوس ماتطوفه=وبرحمتك ياعظيم الشأن تسعاله |
رد: وانفسي اللي عقب ماراح مكلوفه مرثية بوالدي يرحمه الله
الله يرحمك يا ابو عقيل وعسى جنة الفردوس منزله وسكناه--ما قلت يا ابو عبيد الا القليل من اوصاف واخلاق هذا الانسان الكريم وهو اكثر مما قلت بكثير
نعم الرجل للجار والضيف والقريب والبعيد عليه رحمة الله --الله يرحمك يا ابو عقيل رحمة واسعه |
رد: وانفسي اللي عقب ماراح مكلوفه مرثية بوالدي يرحمه الله
اقتباس:
جزاك الله كل الجزاء بالخير على هذه الدعوات الطيبه وقول الحق واشكرك استاذي ومستشارنا ابو عبد المجيد لاهنت على المرور تقبل تحياتي |
رد: وانفسي اللي عقب ماراح مكلوفه مرثية بوالدي يرحمه الله
صح لسانك يابوعبيد وبيض الله وجهك وعزالله ان والدك فقيده عليناجميعاً
رحم الله والدك رحمةٍ واسعه ابوعقيل الله يغفر له ملم بكل مواصفات الرجوله وكل من يعرفه يشهدله بالطيب والكرم وحسن الخلق والحكمه والحترام للكبير والصغير ومثل ماقال ابوعبدالمجيد كل ماقلنا في ابوعقيل هوقليل من كثير اسال الله رب العرش العظيم ان يغفر له ولجميع المسلمين |
رد: وانفسي اللي عقب ماراح مكلوفه مرثية بوالدي يرحمه الله
صح بدنك ووجهك ابيض يابو نايف وعساك ماتفقد غالي طال عمرك
وتقبل الله ماقلت من دعاء أنت وغيرك له وغيره من اموات المسلمين ولاهنت طال عمرك على المرور ياستاذي ومشرفنا ثويمر تقبل تحياتي |
رد: وانفسي اللي عقب ماراح مكلوفه مرثية بوالدي يرحمه الله
صح لسانك يابوعبيد وبيض الله وجهك وعزالله ان والدك فقيده عليناجميعاً
رحم الله والدك رحمةٍ واسعه ابوعقيل الله يغفر له ملم بكل مواصفات الرجوله وكل من يعرفه يشهدله بالطيب والكرم وحسن الخلق والحكمه والحترام للكبير والصغير قدوه لنا بحياته اسال الله رب العرش العظيم ان يغفر له ولجميع المسلمين |
رد: وانفسي اللي عقب ماراح مكلوفه مرثية بوالدي يرحمه الله
صح بدنك اخوي ابوسلطان ووجهك ابيض
وعسى ماتفقد غالي أشكر على المروروالتعبير الذي لايشابهه إلا مرورك اخي ابوسلطان لك مني جزيل الشكر على المرور تحياتتتتتتتتتتتتتتتي |
رد: وانفسي اللي عقب ماراح مكلوفه مرثية بوالدي يرحمه الله
اسأل الله ان يرحمه ويسكنه فسيح جناته وصح السانك على هذه المرثيه التي تستحق القراءه والإشاده تقبل مروري وتحياتي |
رد: وانفسي اللي عقب ماراح مكلوفه مرثية بوالدي يرحمه الله
اقتباس:
انا اشوف سمو اخلاق ابو عبيد اثره معقبه عود لعياله رحمك الله يابو عقيل وجعل جنة الفردوس منزالك لي بيت من قصيده طويله اقول اللي عياله نشاما لو يموت يصير حين نباه وهذا اكبر دليل على ان اللي عياله نشاما لويموت يصير حي نباه صح السانك مدد بلاعدد سجل اعجابي والله يرحم ابوك ويطول عمرك |
رد: وانفسي اللي عقب ماراح مكلوفه مرثية بوالدي يرحمه الله
اقتباس:
وصح بدنك واشادتك فخر لي أخي ابو مازن اشكرك على المرور لاهنت |
| الساعة الآن 05:44 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir