المهم والسبع الضاري طاروق ناري
السلام عليكم ورحمة الله وبركاتة
اخواني اعجبتني هذه المحاوره وحبيت انقلها لكم المهم ياسلامي سلام الشاعر اللي ثقيل خياله =ون خيل يسيل الوادي اللي له سنه ماسالي حسبي الله على ناصر جرحني وريح باله =ولا قهرني ياغير السبع مفروض حاله حالي السبع مرحبا مرحبا بالشاعر اللي سقيمه حاله=اتعزز لحاله كل ما شوف حاله بالي لاتحسّب على ناصر وسنك بسن عياله=والسبع مالقاء بفجوج نجد العذيه والي المهم لاتعزز لخوك العود مايقسم الله جاله =ارفع ايديك ودع الله بليل العتيم التالي كيف اسوي بصدرٍن وسطه الوسوسه شغاله =يوم ناديت ابن عمي زعل من نداي الخالي السبع ياالله انك تفرّج كربة المبتلي في خاله=طالبك ياولي العرش تشفي بلا الرجالي هههههههه اكثر الناس طيبه مايغطّي خمال اخباله=ميرسل الكلاش وجر الاقسام تحت الصالي المهم خالي سلالة الابطال والعقل فيه سلاله=عايشن في زمان اول وهو بالزمان التالي وش دوى مدور عقاله وراسه عليه عقاله =ممكن اتفيدنامن كثر ماشفت هالشكالي السبع عقل خالك سلاله من سلائل قمر واهلاله=رمح عنتر وسرج المهره اللي تبا الخيالي ليش ماافيدكم .وحنيف يشرب سريب ادلاله=طعم فنجالها الأول يحدك تجي لدلالي المهم تفخر المانيا بي ام والبنز طبق امثاله =بس بعريبيا الهيلك زادة على الجفالي البشر من ضنا بنادم لكن السبع بلحاله =ولدة الشمس فيه وقال كل البشر بضلالي السبع فرق الاثمان بين الخيل سره مع الخياله=لاتفكر تقنعني بضرب ٍ من الامثالي البشر من ضنا بنادم ولكن عليها كماله=عد وش بالوطى واللي رقاء بالطويل العالي المهم اه من قلبي العاشق وطردالهواء غرباله =لكن السبع غير لاكل مافيه عنده غالي ليت سبع الخلا محفوض عندي رقم جواله =مثل مانقش فوق اعضام صدره رقم جوالي السبع انتم امقطعين اربع تطيحون بالمحباله هههههه= واعذاب آخر الاجيال من سابق الاجيالي اقرشت بالضماير لعنبوحي ابوها حاله=دام كبرت حسوسك جانب الرد والموالي المهم دايم اوفي خوي الجنب ونزله منزاله=لكن السبع قمت اوفيه وينقص المكيالي لقرشت بالضماير قرب الجفن عند خلاله =مخبل اللي يدور جنة الله بحلق الصالي السبع مايفك البلد باليوم الاقشر ياكود ابطاله= وانت من خيرة الابطال ياقايد الابطالي لاتخايل خيال ٍ مايسقي ضماك اخياله=ابك انا لو خسرتك خاسر ٍ من زمان اموالي المهم بيض الله وجه اللي تسر القلوب افعاله=هكذا يطلع الطيب ويفرق عن البطالي كان مالك وحالك خاسرن درهمه ورياله=ليش احطك بجيب الثوب والجيب ماهو خالي السبع هكذا يفرق اللي نجم برج الثريا طاله=يوم دلو الدويني تنثر الماء بحيد الجالي مامعك غير غصن ٍ مايغطي ظهرك اظلاله= حطها بالضميرولاتجاوب على سؤالي المهم جبتها فوق راسك والبنادم بحكم اعماله=يالله انك لاتنكبني مثل صاحبي بعمالي انت صفرت والخسران وضع السكوت اشواله =اص وربض ويشرح حالتك دمعك الهمالي السبع |
رد: المهم والسبع الضاري طاروق ناري
صح السنتهم المهم شاعر جزل والسبع الضاري شاعر جزل
الف شكر لك المعتبر وتقبل خالص الود والتقدير |
رد: المهم والسبع الضاري طاروق ناري
تسلم يالمعتبر نقل موفق لاهنت ياالنشمي والمهم والسبع ان شاء الله اني اراهم على صفحات موقع الجميع
في ابداعاتهم المعروفه |
رد: المهم والسبع الضاري طاروق ناري
طاروق ناري بالفعل ويوحي الى شاعريتهم
ونتمنى أن نراهم بموقعنا قريباً ::: المعتبر شكرالك وعلى ذوقك الرائع الذي اتحفتنا به:: |
رد: المهم والسبع الضاري طاروق ناري
ههههههههه مشكورعلى النقل محاوره قويه جدا
|
رد: المهم والسبع الضاري طاروق ناري
محاورة ثقيلة وزن
سؤال:من هو المهم والسبع؟ |
رد: المهم والسبع الضاري طاروق ناري
اي والله منهم ووينهم صح السان الشعرا هذولا وين نلقاهم يالربع من يدل بيتهم نبي نسير عليهم بيض الله وجهك يالمعتبر اختيار موفق لاهنت
|
رد: المهم والسبع الضاري طاروق ناري
طاروق ناري بالفعل ويوحي الى شاعريتهم
ونتمنى أن نراهم بموقعنا قريباً ::: المعتبر شكرالك وعلى ذوقك الرائع الذي اتحفتنا به:: |
رد: المهم والسبع الضاري طاروق ناري
طاروق ناري بالفعل ويوحي الى شاعريتهم ونتمنى أن نراهم بموقعنا قريباً ::: المعتبر شكرالك وعلى ذوقك الرائع الذي اتحفتنا به:: |
رد: المهم والسبع الضاري طاروق ناري
طاروق ناري بالفعل ويوحي الى شاعريتهم
ونتمنى أن نراهم بموقعنا قريباً ::: المعتبر شكرالك وعلى ذوقك الرائع الذي اتحفتنا به:: |
| الساعة الآن 07:15 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir