عرفت بأنك بالجفـاء ياللأسـف كفـك تجـود=عرفت باني بالوفاء اعطـي ولاتقـدر عطـاي
عرفت من قبل البدايـه ليـش سويتـي حـدود=عرفت لامنـك بديـت انـك تحـاول منتهـاي
عرفت لو اني ضميت من الغلا وانتـي عـدود=عرفت بانك بالغلا شحيـت ماتقطـع ضمـاي
عرفت وش معنى الغلا والتضحيه رغم الحسود=عرفت اشياء والخطاء دايم تقول انـه خطـاي
عرفت لامنـك رحلتـي قلتلـك للقلـب عـود=ارجع وعذب مابقى بس المهـم تبقـى معـاي
كني احفز رغبتك وقول لـك زدنـي صـدود=حتى تموت من الجفاف ارضي وتجفاني سماي
تعبت من شرح الغلا واصبح عدو مثلك لـدود=رغم الصداقه بيننا مثلك غـدى ينكـر هـواي
اعانـق الحرمـان والغربـال يـوم انـي اذود=دونك وصادم واقعي لو كنت اخالف مشتهـاي
اذوب في لحظه لقى وانتي مشاعر من جمـود=ماكنك انسان وتحس بمـا احسـه فـي لقـاي
علمتني بان الغلا ينقـص مثـل ماهـو يـزود=نقصه جفاك وسبته وان زاد من سبـت وفـاي
منك تحوم اشواق قلبي جايعـه مابـه صمـود=تبغى مواريد العطاء واردهـا داخـل حمـاي
كني اعيش الحب يعني من طرف واحد ياكـود=مابه غلا من غير وصل اصلأ بدونه وش غلاي
خلاص برحل وانتهي خلاص ماسمعلـك ردود=خلاص لاتتعب ولا تسرق من الخطـوه وراي

عناد الميموني
يقف الشعور عاجزاً عن نقد هذا العقد المنضوم بدرر ومفردات فــذّه تجبر المتصفح ان يعيدها ويعيدها للأستمتاع بقراءتها وتذوق معانيها . فالإبداع لا يأتي إلا من اهل الإبداع.

المشاركة الأصلية كتبت بواسطة الباحث (المشاركة 63901) اذوب في لحظه لقى وانتي مشاعر من جمـود ماكنك انسان وتحس بمـا احسـه فـي لقـاي علمتني بان الغلا ينقـص مثـل ماهـو يـزود نقصه جفاك وسبته وان زاد من سبـت وفـاي صح السانك والله يعطيك العافيه --وانا ما اقول الا بيض الله وجهك