بعلمك معنى الهجر واعلمك معنـى الـوداع=مع السلامه واعترف غصب(ن) علي اقولهـا
هذا قراري للاسف لاني ترا رجل(ن) شجاع=لان الرجال اقوالها وش هي بـدون افعولهـا
ماعاد فالعـوده امـل اقولهـا بكـل اقتنـاع=لو كنت ميت برجوع اصد مابغـى احلولهـا
اخطيت لاكن سامحي مليت واقف فالضيـاع=حملتني غلطه وانا مااقـدر اشيـل حمولهـا
بودعك يعني خلاص امري لابد انـه يطـاع=خلاص لاتحاول معي صدتـك وش مدلولهـا
مانتي محال انتي ترا حاجه بقدر المستطـاع=ماانتي بنجمه بالسماء صعب(ن) علي اطولها
جيتك على وضح النقا ماجيتلك لابس قنـاع=جيتـك بنيـه صافيـه ماينتهـي مفعولـهـا
فتره وعدت وانتهت خلاص مافيـه اجتمـاع=خلاص انسي هاجس(ن)منك تعب مرسولهـا
افنيت عمري في محبتها وفي سـج الوسـاع=اصول مع طيفـه اليامنـه طـرى وجولهـا
لاشك اخذت من الزمن فكره وعبره وانطباع=ان الهوى كذبه وانا مانـي ترانـي حولهـا
هاذي تجارب والتجارب بعضها شين ومتااع=والشين قولت مستحيل انـك تـراك اتنولهـا
عزفت لك روحي وفاء يعني على لحن وايقاع=حتى المشاعر في ضميري ياعرب غنولهـا
مدري قهر مدري فخر اني نويت الانقطـاع=مدري رضا مدري زعـل قفلتهـا بقفولهـا

المشاركة الأصلية كتبت بواسطة الباحث (المشاركة 63902) الله يعافيك اخي عناد --انت في هذه فعلا عناد او عنيد خلها تستاهل عطها القاز لما تعرف وش معنى اللهجر والوداع صح السانك وبيض الله وجهك

المشاركة الأصلية كتبت بواسطة هاوي نجد (المشاركة 63917) رائع ياعناد الميموني قصيده فيها من الشموخ والعزه الشي الكثير تقبل اعجابي ومروري .

المشاركة الأصلية كتبت بواسطة مفلح النميش (المشاركة 63918) رائع ياعناد الميموني قصيده فيها من الشموخ والعزه الشي الكثير تستاهل الاشاده وتقبل مروري