يالله يا مطفي ضما ذابل العود=يا باعثٍ نبت الثرى عقب ما باد
يا أولٍ ما قبلك الدهر موجود=ويا آخرٍ ما لك زمان وميعاد
يا واحدٍ ما غيرك الا أنت معبود=ويا باقيٍ لا ضمت الخلق الألحاد
يا رب لو بيض الليالي غدن سود=أشعل بها من نور رحمتك وقاد
ويا رب لو هبت من أشرارهم نود=حنا فذراك الرحب عن هم وسهاد
يا غارس الرحمة ويا مبدع الجود=في كل نفسٍ ما بها غش وافساد
لا صرت راضي ما نبي غيرها زود=خلقتنا رجالٍ وشرفتنا بلاد
وعِّزتِكْ ما حرك الراس مقرود=حشا ولكن حير الفكر الإلحاد
لو كان قلب المسلم الحق جلمود=من الصخر ما عز دينه ولا ساد
لو كان قتل النفس للقتل محمود=صارو خيار الناس هم روس الأوغاد
ولو كان ما للرب سبحانه حدود=ما فاز من أسلم ولا خاب من هاد
الدين نبل.. وعفه.. وصادق عهود=ما هوب في وادٍ والأخلاق في واد
سلام يا محمد غلب عطره العود=يا مير نفخر بك على روس الأشهاد
وتحيةٍ ما بي لها اليوم مردود=غير الحذر والصبر يا نسل الأجداد
ما يجتمع يا خوك زهر وبارود=ولا يقبل الله خسة الغدر في جهاد

المشاركة الأصلية كتبت بواسطة الباحث (المشاركة 62200) صح السان الشاعرالامير المبدع وبارك الله لنا في الناقل مرنا العذب صاحب الذوق الرفيع

المشاركة الأصلية كتبت بواسطة دلوعته (المشاركة 62205) البدر وما أدراك مالبدر ..!! المدرسة الشعريّة ومهندس الكلمة.. البدر عالم آخر.. شاعر بل هو الشعر.. البدر.. يفرض نور مفرداته على نفوسنــا..لنتلقاها بسلام روحيٍ نتعايش معها بواقعٍ محسوس.. وحينما يظهر البدر فوق أرض المر العذب.. حتماً سيكون المكان شاعري المر العذب .. ذوقك لاشبيه له .. رائع رائع دلوعته :

المشاركة الأصلية كتبت بواسطة هاوي نجد (المشاركة 62419) المر العذب يعجبني اختيارك وتعجبني ذائقتك الشعريه دائماً تقبل مروري .