الاياهجوس وسط صدري لها مده= تصول وتجول وسط صدري مخفيها
هموم لازارن كل رجلن تبا تصده= يذوق المراره لين ينسى لحاليها
هذي حالته كان الزمن خالفه وده = بنوع ٍ من الاحباط ويعيف تاليها
أنا لي ثلاث سنين صابر على الشدة= نسيت الو ناسه ونقطع حس طاريها
سبايب زمان صار ضدي ونا ضده= همومه عليه كل يوم يوزيها
بحور الهموم يهون معها بحرجدة =بها غارق كم لي وكم لي ونافيها
اعوم وبها يصفقني الجزر لامده= ونا والصبرمركب ومجداف باقيها
علي الحرام أن الصبر واصلن حده= لاكن الأمل بالرب جعلها يسويها
ونا صابر والقلب ماباح في سده= لون الهموم تزيد مازلت كاميها

المشاركة الأصلية كتبت بواسطة الراســــــي (المشاركة 61982) اابو عبيد االله يفرج همك ويحقق كل اامااانيك مثل ماارويتنااا شعر لله درك على هذاا الابداع واالحضور االمميز فلا تحرمناا من جديدك تقبل مروري

المشاركة الأصلية كتبت بواسطة مخاوي الطيب (المشاركة 62001) ابو عبيد صح السانك ولاهنت على القصيده الجميله وانا من اشد المعجبين والمتابعين لجديدك واكثر مايلفت انتباهي هو ميولك الي كتابة القصائد التي تميل الي الهم والضيق والحزن واتمني من كل قلبي ان تكون خيال شاعر وليس من واقع تعيشه : تقبل تحيات واحترام وتقدير و اعجاب اخوك " مخاوي الطـٌيب "

المشاركة الأصلية كتبت بواسطة ثويمر العجوني (المشاركة 62002) بحور الهموم يهون معها بحر جدة=بها غارق كم لي وكم لي ونافيهـا اعوم وبها يصفقني الجـزر لامـده=ونا والصبرمركب ومجداف باقيهـا علي الحرام أن الصبر واصلن حده=لاكن الأمل بالرب جعلها يسويهـا ونا صابر والقلب ماباح فـي سـده=لون الهموم تزيد مازلـت كاميهـا ابو عبيد صح السانك ولاهنت على القصيده ارائعه واسأل الله ان يبعد عناء وعنك الهموم تقبل مروري

المشاركة الأصلية كتبت بواسطة المنتظر (المشاركة 61986) مشكورعلى القصيده والله يفرج همك وهم جميع المسلمين تقبل تحياتي