الجبال المشمخره


اعصير وبين جال وبين حره = وقفت ودمعتي سبت وقوفي

ناظرت ايمين ويسار أتشره = علامك يا زمنا ما تروفي

ورقيت الجال والطاروق اجره = يجيلي طوع ويصدر عيوفي

وعلى روس الجبال المشمخره = اشوف اسرار واصفق كفوفي

أثاراً للمنازل دون جره = يا قوم وسوم يا حكم الظروفي

أبو زيد الهلالي ذا مقره = منازلهم حجر يا عين شوفي

دلايل من تبعها ما تغره = ونقشٍ بالحجر عبري وكوفي

عصوراً جربت حلوه ومره = على ديرانهم رسم وحروفي

وطاها الوقت في برده وحره = وغير شي واشيا ما تطوفي

ونشدت الدار من يذكر نمره = يعلمنا ويطفي نار جوفي

وقالت لا ظهر نجم المجره = ترى الأخبار عنده يا ضيوفي

علاقتنا طويله مستمرة = يواسيني بليلٍ ما يروفي

جوابٍ ضيق الخافق وحره = حدرني من جبالٍ كالقنوفي

رجعت الماقفي والصوت أجرّه = علامك يا زمنا ما تروفي