عذلت عيني بالهوى واعسرتني=مفتونة في حب حي محنها
نفسي لها هومات ما طاوعتني=لين انحلت بالحال ونكدت بدنها
عندل بطاروق الهوى ساعفتني=تنقاد لي قود العسيف برسنها
تطرق برمش العين وان واجهتني=تعطيني الهرجه وتاخذ ثمنها
تخفي لي الكلمه اليا هرجتني=خوف من اللي هرجته ما وزنها
شاورتها على الجواز وهددتني=تبغى لعله يبعد الحوم عنها
عطيتها علم وهي خابرتني=لو اربع بالبيت ما جزت منها
خمسة عشر عام وهي مالكتني=والخادم المملوك يومر وينها
هذا جزاها يوم هي مانكرتني=والا فلا منها ولا من عدنها
الموجب انه بالهوى ولعتني=لولا غلاها ما سكنت بوطنها

المشاركة الأصلية كتبت بواسطة هاوي نجد (المشاركة 52083) حي الله المستشار اخترت قصيده جميله لشاعر كبير رحمه الله من منا لايعرف ابن السبيل راعي نفي شاعر مازلت الناس تتناقل قصايد واكثر مايميز شعر ابن اسبيل ان اغلب قصائده غزل مشكور يابو عبدالمجيد وتقبل مروري .

المشاركة الأصلية كتبت بواسطة البراك (المشاركة 52106) ابو عبد المجيد اختيار موفق ولك اجمل تحياتي

المشاركة الأصلية كتبت بواسطة الشمالي (المشاركة 52352) عذلت عيني بالهوى واعسرتني *** مفتونة في حب حي محنها اخي الغالي المستشار حفظك المولى لا تختار الا من جزلات المعاني وهذه احد روائع الشاعر عبد الله بن سبيل رحمه الله سلمت يمينك على النقل الرائع وتقبل تحيتي ومروري ...