الى اقرب شاعر ...
بسم الله الرحمن الرحيم السلام عليكم ورحمة الله وبركاته اللي يحب يلعب معي انا في انتظاره سلام الله علي اللي لا احتمى الميقاف مافروا.. عزيزين الجناب اللي لهم بين العرب سيره ... الا يا فاهمين الشعر غنوا عندنا انحصروا... نبي نلعب على قاف صعيب بدون تشفيره ... |
رد: الى اقرب شاعر ...
اقتباس:
خلوها: هلا يامرحـبابك يابن وايـل عـد مـامـروا= نبى ناخذ معك ياصاحبي نفخه وتعميره نكر اليوم لاهل الشعر واهل الشعر لاكروا= يجيبون المعاني كلـها ذالحين تسفيره |
رد: الى اقرب شاعر ...
صح السانك استلم
هلا بالفارس الشاعر ليامنه صمد قروا... يسجل للمعاني قمة ابداعن بتقريره ولكن ياصحيبي فيه شعارن ليا احتقرو... يحدر من جبال الشعر ويخليك تزفيره |
رد: الى اقرب شاعر ...
اقتباس:
الاياكثر ناسن بالشعر ياصاحبي انغروا= ومن عارض لقول الله حللنا بتكفيره لـيـامـرو تـرى والله لاســرو ولاضروا = وكلن يالسنافي مايضره غير تفكيره |
رد: الى اقرب شاعر ...
خلوها اشوفك شاعر طيب ولا ودي ليا صروا... بانك تحفة الموقع لو انك صرت تنويره الا يا عاقلين من العرب ولو ولا تضروا ... في وجه اسود الشعر مثلي وانته عندي طويره (تضروا بفتح التااء وهو المعاوده او التعود على الشيء) |
رد: الى اقرب شاعر ...
اقتباس:
خلوها: انا نـاوي بصـدقه للجمــاعه كل ماطروا= فقـير الـحظ ذاللـيله ولابـه واحـدن غيره مصيبه من جـماعه ياجـماعه كل مااحتروا= ولا يالشاعر اللي فيك دقه عند تدويره |
رد: الى اقرب شاعر ...
الله الله صح السانك
استلم لياجات الحقيقه شفتني من ناس ماعروا... عن فعول الكرام وضيفة الاغراب والجيره تصدق لك على ناسن وتشحذهم ليا بروا...ومثلك يشحذ التاجر ويرجي من دنانيره |
رد: الى اقرب شاعر ...
اقتباس:
خلوها: ترى اهل المرجله عن درب عرف الطيب لافروا= نتايج قولهم ياصاحبي نكسه وتصفيره انــا اقـــول اخـر الهـرجه ليامـن الـبشـر قـرو= بعلمن مايسر احسن لعلم الشين تسكيره تصبح على خير يالشاعر وبيض الله وجهك |
رد: الى اقرب شاعر ...
الله يبيض وجهك يالفارس وترى الدعوه ضحك ووناسه وتراك غالي يا الفارس ولاهنت
تصبح على خير يالغلا واسمح لنا على القصور |
رد: الى اقرب شاعر ...
وانت اخو عزيز ياولد وايل مايحتاج
|
الساعة الآن 05:34 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir