محمد الصحاف
 

أمـان القلـوب ( الحـب ) .. ياحلـو ياخـوّاف
عسـى خطّوتِـك ماهيـب عني بمنقـصَـره ؟

يـوم إن الهـوى سبـق التقاليـد والاعــراف
الاسمـاء .. قليلـه ، والمفاهيـم .. مختـصَـره

نحِب .. ونعيش .. ولا نحـب المعيشـه حـاااف
لنـا نظـرِةٍ ماهـي علـى شــي منحـصَـره

تعـااال وفـراش الصـدر مالـه عليـك إلحـاف
عليـك العـروق حيـام والــروح منمـصَـره

تواعد وتخلـف !! واتعـذّر (وون ,, وهـاااف)
ولا تحسبنّـك سيّـد الـحـب فــي عـصَـره

ولوكنـت تلعـبّـي فـأنـا ماعـلـيّ اخــلاف
(أبو ذيل) في جُحّره .. و(أبوزيد) في قصَـره !!

من أعذارك أضحك .. وأذكر (( محمد الصحاف ))
لا قـال : إن قواتـه علـى (العلـج) منتصَـره

جيـوووش التحالـف وسّـط (بغـداد) بـألآلآف
والاخ (الوزير) يقول ما دشّـت (البصـره) !!!!


صح السان الشاعر علي بن حمري الحبابي

اعجبتني قصيدته وحبيت ان انقلها لكم .

رد: محمد الصحاف
 

شكرا لك هاوي نجد على الاختيار الموفق وصح لسان الشاعربن حمري وتقبل مروري

رد: محمد الصحاف
 

العفو طال عمرك
اتمنى ان الاختياراعجبك
والف شكر على المرور .

رد: محمد الصحاف
 

شكرا لك هاوي نجد على الاختيار و تقبل مروري

رد: محمد الصحاف
 

اشكرك اخي هاوي نجد على النقل الجميل ولكن انشاءالله نرى منك ماهوالاجمل والابدع

رد: محمد الصحاف
 

هلا ابو طيف

الحمدالله ع السلامه يالشيخ

وينها غايبه شمسك

اهااااااا فترة الاختبارات

تصدق نسيت

بس زين طلعنا بنتيجه بعد هالغيبه

قصيده لابن حمري

انت وش سويت لنا مع

ابو سكسوكه بحائل هالصيفيه

اذا كان ماهو بحائل علمني


تحيتيييييييييييييييييييييييييي

رد: محمد الصحاف
 

ياهلا فيك ياخالد
ومرورك شرف لي .

رد: محمد الصحاف
 

العفو اخي رولنس
اعدك بالاجمل والابدع بأذن الله
بس ياخوي تراك دايم تهجمني ؟ فيه احد موصيك علي هههه.

رد: محمد الصحاف
 

الله يسلمك يابو ساره
جعلها ماتغيب شمسك
اي والله فترة اختبارات وفيه ضروف غيرها
انا دايم اطلع بنتيجه الله يسلمك
ابو سكسوكه والله متغير علي
الرجال مشغول في بيته الجديد
وحسب معلوماتي انه ماهو طالع لحائل الصيف هذا
وهو تعرفه زين يمسي على راي ويصبح على راي اخر
شكرا للمرور يامشرفنا الرائع .

رد: محمد الصحاف