موقع الشاعرغازي البراك موقع الجميع

مااقوى على الفرقا

مااقوى يازين على فرقاك مااقوى..لكن خساره وش يفيد التمني؟؟

امر.تدلل.واطلب العمر فدوى..وان كان مايرضيك.خيبت ظني

هجر الاحبه للمحبين بلوى..وش حيلتي حكم الظروف اجبرني

ماعاد لي من بعد فرقاك سلوى..القلب يبكي والليالي كوني

وش فايدة دنياي؟وش عاد تسوى؟؟؟من غيرك انت ياغرامي وفني

يامالك قلبي انا ارجوك رجوى..تسأل خفوقك واقبل العذر مني

لالا تسيئ الظن وتقول هقوى..عطني صحيح العلم لي جاك عني

بحيا على ذكراك وان مت فدوى..فداك عمري ..والفرح..والتهني

صرخة عقب صمت طويل

آخر عباراتي وداع آخر مشاويري رحيل
جيتك وبي لفحت ظمأ و اقفيت كبدي ناشفة
اصعب كلام اصعب خبر صرخة عقب صمت طويل
مثل الهدوء اللي سبق لحظة هبوب العاصفة
وأنتي بمتناول يدي تبدين مثل المستحيل
في عشرتك صوت العقل يقتل طموح العاطفة
الحب ما هو كل شي إلى وقف حظ بخيل
قلوبنا أصفى من العسل بس الظروف مصالفه
لا للندم لا للعتب آو شي من هذا القبيل
وأنتي ماجا منك خطا حتى تقولي اسفه
من غير ليه استسلمي واستلهمي صبر جميل
ولا تسأليني وش جرى ما لك بطول السالفة
قولي لهم يا عزوتي ما عابنا موت النخيل
اللي يوافيها الأجل وتموت لكن واقفه
آخر عباراتي وداع آخر مشاويري رحيل
جيتك وكبدي ناشفة و اقفيت كبدي ناشفة
مـا سـألتـوا صـاحـب النظـرة الخجـولـة
! .. كيـف يـسـهـرنـي ولـه وجـهٍ صبـوح
! .. كيـف يظـلـمـني وله طـهـر الطـفـولـة

كيـف يـفـتـنـّي وهـو دايـم يــروح

وكيـف أنـا ألقـى ربـيـعه فـي فصـولـه

دام كـذبـه صـادق وصـدقــه مـــزوح ..

لـه صـفـاتٍ تـورد العـاشــق ذهـولـه

مسـتـكـيـن صـامـت وكـلـّه جـمــوح
.. أصـعـب الأشـيـاء و أكثـرهـا سهـولـه

أغـمـض الأشـيـاء و أكثـرهـا وضــوح
.. سهـل تـغـرم بـه وصـعـب إنك تنـولـه
غـامـضٍ طـبعـه وواضـح فـي الجـروح

أسـعـد بشـوفـه ولكـن مـا أطـولـه

كنّـي الـوادي وهـو أعـلى السـفـوح

يـبتـسـم لا مـنهـم عنّـي حكـوا لـه

ولا حكـوا لـي عنه أعـمـاقي تـنـوح ..

لـي بقـلبـه شـيٍ لكـن مـا يقـولـه

ولـه بـقـلبـي كـلّ و لكـنّـي أبــوح ..

كنّـه الغيـمـه و انـا أرجـي هطـولـه
مـا نـزل غـيثـه ولا بـرقـه يـلــوح
!! .. مـا عـرفـتـوا ليـش تسهـرني فعـولـه !! ..

وليـه يـسكـنّـي وهـو دايـم يــروح ..

هـو يـبـيـني بـسّ أطبـاعـه خجـولـه

ومـا يـبـيـني أغـفـا وهـو وجهـه صبـوح

هذي مجموعة قصايد أعجبتني مابخلت عليكم فيها.....