ياعبيد أبا هيجن بصوتي وتسمعني =مدام تطرب لياهيجنت يالغالي
الصعب يسهل لونك فيه تطلبني=ماهي لحونٍ بها تـطرب ونا سالي
ليا ضحكت أنت لوا لوقت متعبني=عني يزول التعب لاشفتك إقبالي
وليا ضحكت أنت كن الوقت يضحكني=كنه على الكيف جالي كل الاحوالي
فيك انت والله ماحدٍ فيك لايمني = مدامك عبيد أغلى الناس وعيالي
اسمك ليا قيل بين الناس يطربني=لاقا لو أسمك يشوش الرأس للعالي
سميك اللي لوني قلت لاوني=شعري مايوفيه بالأول وبتالي
عودٍ رحل من بعده الهم يسكني=لليوم هذا على بالي ومازا لي
عوداً عنه يبطي النسيان يأخذني=مدام راسي عليه أشماغ وعقالي
رحيله أثر على نفسي ومحزني=قلبي بعد غيبته كنه على الصالي
أنساه مانساه ويش اللي ينسيني=لوعشت أنا العمر مر وعشته بحالي
المر ذقته نهار فيه ودعني=وحسن من مشاهده وش يعني لحالي
مااقول غير الله اللي فوق يسمعني=يجعل له الخلد مسكانٍ ومنزالي
ويكبر سميه ونا ماخيب في ضني=باللي من أسمه هـو أغلى الناس وعيالي

المشاركة الأصلية كتبت بواسطة ابو يزيد (المشاركة 42083) صح لسانك يابو عبيد ماشالله عليك قصيده جزله ولها معنا حقيقي تقبل تحياتي ومروري