موقع الشاعرغازي البراك موقع الجميع - في تالي المقناص يوم الربوعي....اتلى العهد به راح يلوي الجناحين.

- القصايد المنقوله (http://www.gazialbrak.com/vb/forumdisplay.php?f=109)

في تالي المقناص يوم الربوعي....اتلى العهد به راح يلوي الجناحين.

البارحه ياحسيـن مركـاي كوعـي
من العشا الين اذن الفجر يا حسيـن
ما غير اسلـي خاطـري بالدموعـي
مثل الذي من يقضي الديـن بالديـن
وكل السبب طيري حسين الطبوعـي
النادر اللي شوفتـه تطـرب العيـن
اللـي ليـا منـي نهمتـه فزوعـي
مثل الشجاع الـي نهمـوه القريبيـن
قمـت اتـذكـر تلـتـه لطلـوعـي
بخدن قنصنا فيه حـروة اسبوعيـن
مدري ثمان ايـام معهـن اسبوعـي
لا شك كنهن يا ابن الاجـواد يوميـن
وفي تالي المقناص يـوم الربوعـي
اتلى العهد به راح يلـوي الجناحيـن
اقفى وراء خرب ٍ مصقـر جزوعـي
متذير ٍ واردفت مـن عقبـه طيريـن
وسقنا معاهن وسـط خـد منوعـي
اقف ٍ شمال ومبعـدات عـن العيـن
الخرب صامـل والنـداوي قطوعـي
وحال الوعر من دونهـم والشعيبيـن
وقفت ادربل ميـر مامـن سنوعـي
وقالوا جهاز الطير ما نسمعـه زيـن
واجهدت رجلي بكل رجـم ٍ رفوعـي
ارقى والوح وادبل الصـوت صوتيـن
وما قصرو وقـت المنافـع ربوعـي
واخذت في جـو القطامـي نهاريـن
لاشك طيري مـا نـوى للرجوعـي
وانـا بعـد حـدرت يـم البـلاديـن
ما كان ودي ان المفـارق فجوعـي
ليتـه موادعنـي سـوات المحبيـن
الله يلـوم الطيـر بعـده يلـوعـي
خلاني اسهـر والمخاليـق ممسيـن
عساه يسلم مـن يديـن الطموعـي
اللي عن النشـاد يخفـي البراهيـن
والا الرجال الـي تعـرف السنوعـي
تلقى على حجله مع السبق رقميـن
والا عسـاه ابنـاريـات التلـوعـي
ورزقه على الي خالق الناس من طين
ومما جرى يا حسين قلبـي قنوعـي
لو كان عقبه خاطري صايـر ٍ شيـن

الشاعر :مشعل الحبيني