موقع الشاعرغازي البراك موقع الجميع

الله من هم(ن) له سنين مرسوم = هم (ن) دفن وياه باقي حياتي
والله مادري هي تهاويل وعلوم = والا كلمه مثل رمح الزناتي
الكل يطعن بالظهر سهم مسموم = وطعنه من الغالي تعجل وفاتي
اللي طعني طعنة الفرس للروم = واحد وانا حي (ن) وسبب مماتي
ميت بحال وحال لازلت مصدوم = وتناقضت في خاطري ذكرياتي
ام أنها غلظة مساكين ورخوم = والا حكم تطليع بالخـافـيـاتي
أثنين لاثالثهم ولاني موهوم = ويــازين بعد الشـــكوك الـثبـاتي
اللي جرى مجهول ومفهوم ومعلوم = وماتخفي الأيام لابد يأتي
لاكن مصيره يوم يصحى من النوم = ويشوف وجهه زين وسط المراتي
من ظلم فيها ومن كان مظلوم = ولاتنفعه بأوقاته الضايعاتي
مسكين يطبخ طبخ في قدر مكتوم = ورى المراجل لين راحت فواتي
غبي وهو مكشوف والأمر محسوم = ولاتفيد به حيلات ومحاولاتي
وأنا لياجار الزمن عندي عزوم = ما أندم وليتك تسوي سواتي
نفسي لها نزعه وعادات وسلوم = وهذي تواصيفي وهذي صفاتي
صبرت مالي بالمخاليق ملزوم = لين أنهم بالشين طقو صفاتي
وقبل الجمر مايحط في ظرف مختوم = وأنا بقلبي شك ومجاملاتي
وأخوك مهما صار بالضيق زيزوم = افزع معك بأيامك القاسياتي
لاغدى حقي ولاصرت مهضوم = لابأول سـنينـي ولابـالـتالـيـاتــي
وأن كان ماني مر ماني بمحشوم = مثل خواتك يالعشير وخواتي

[الـــشـــــــاعــــــــــــر / عــبـداللــه أبــراهــيـــــم مــحــمــد زاكــــي الـــرشــيــدي