ياليـتـنـي مــــن مـالـكـيـن الـمـلايـيـن = وبالعـاصـمـه يـالـيـت عـنــدي عـمــاره
مـاخـذت فيـهـا ديــن وقضـيـه بعـديـن = ولاهـــي ســكــن مبنيـت(ن)لـتـجـاره
فيها الشقق مـن فـوق سبـع وثلاثيـن= وحــــط بــاعــلا دور مـجــلــس واداره
وفـي دورهـا الارضـي ورود وبساتيـن= ورخــام روزه صاطـع(ن)فـي حـمــاره
وثاثـهـا مجـيـوب مــن وســـط بـرلـيـن = احــدث مـاجـاب مهندسـيـن الـنـجـاره
وحــــط فـيــهــا لـلـهـوامـيـر بـيـتـيــن = بيت(ن)يمـيـن الـبـاب واخـــر يـســاره
وفي كل عام اطلـع زكـات المساكيـن = الـلـي يحـسـبـون الذبـيـحـه خـســاره
عمارت(ن)تصميمـهـا يـعـجـب الـعـيـن = تصـمـيـمـهـا تـصـمـيــم مـبــنــا وزاره
وجـيـب وهـمـر وبـنـز وسـوبـر اثـنـيـن= وســواق ملـمـس بالـيـديـن الاطـــاره
واراضـيـن مـاهــي بـاوحــده وثنـتـيـن = امخطـط(ن)كـامـل مـلـكـتـه وحــــاره
والحـرمـه الاولــى لـهـا صـــك بيـتـيـن= والـثـانـيــه بـيـت(ن)رفـيــع الـمــنــاره
والثالثـه فـي بيـت فـي حـي حطـيـن = احـــدث مديل(ن)بالـبـلـد والـحـضــاره
والرابـعـه بنت(ن)لـهـا يسـجـد الـزيــن = ولا تسـكـن الا فـــي بـيــوت الامـــاره
وادري بمخـراجـي مـدخـالـي امـنـيـن = بالـسـوق كـلـه اسهـمـه مــع عـقـاره
ولاطرد ورا عشـره وخمسيـن والفيـن = ومــن الخـسـاره ماشفـطـت الـزقـاره
ولاهـرج اللـي خـلـص العـمـر بالـديـن= الـلـي فـعــل يـمـنـاه سـبــب دمـــاره
اللي سكن في هجرت(ن)جوها شين = ويالله ملـك بالعمـر دادتسـون غـمـاره

المشاركة الأصلية كتبت بواسطة ثويمر العجوني (المشاركة 32583) صح لسانك يابوفيصل واتمنى لك الصحه والعافيه وان تكون من اهل الملايين انت وابوعناد شقير المطري واتمنى لكم التوفيق بالدنياوالاخره

المشاركة الأصلية كتبت بواسطة ابو يزيد (المشاركة 32213) صح لسانك يابو فيصل توك شباب وتبي تحط عمارات وقصور ومخططات وربع حر ررررررررريم ههههههههههههههههه ولله منت بهين مر علينا تقهو عندي ولى عند ابو نايف ترانا موجودين عند حريمنا الي انت خابر ههههههههههههه

المشاركة الأصلية كتبت بواسطة مفلح النميش (المشاركة 32253) الاخ الشاعر ابوفيصل جميل جدا ان يتمنى الشاعر هذه الاشيا كلها من متطلبات الحياة / لاكن الاجمل من هذا الصحه والعافيه ولم يكن لها نصيب من تمنياتك اعد انضر وكتب بيت اخر يتضمن الصحه والعافيه مع تمنياتي لك ولجميع الاخوه الصحه والعافي الدائمه

والعافيه وعمر ميه وخمسين =ومساجد(ن)في كل دوله وحاره