في ملتقى إللي يحتمون الونيه=ربعي بني عجوين والراس مرفوع
الله يحيكم وثني التحيه =عند الرجال إللي لهم علم مسموع
ربع لهم بالطيب روحه وجيه=تاريخهم ماهوعلى النت مطبوع
تاريخهم يوم السنين العتيه=يوم الضماوالبردوالفقر والجوع
شهدلهم راع الذلول و خويه=إلي ضواهم تالي الليل مقطوع
شهادة من عزوة وايليه=ردالثنا من بعد ماراح بسبوع
ماينجحد شي مضى بضحويه=ولاينهدم بيت على العز مرفوع
لي حق أفخر عزوة عجونيه=وأرقى سنود ورجعت الخلف ممنوع
لاقلت قولي مايعقب عليه=ولاجيت في هرجآملفق ومصنوع
لاتاخذ الأخبارمن فبركيه=أخذالخبرمني مثنى ومربوع
نسوقهابالطيب سوق المطيه=ولايهمناولوناخذمن الموت قرطوع
هذي سلوم أجدادنا الأوليه=يحيهاوالله من سلوم وطبوع
ماني مابالغ يارجال الحميه=هذاالصحيح وكل رجل له سموع
ولبومعاذ اليوم حق عليه=والمدح في هذاالرجل حق مشروع
رجل سرى في ليلة خرمسيه=وأتعب قدم رجله علشان موضوع
حل القضيه في أختلاف القضيه=وخلى البيوت المظلمه تولع شموع
لوأمدحه من صبحها للعشيه=قليل في رجلآجمع رووس وفروع
ولاهو ردى بشيوخ عبس البقيه=إللي تصدجموع وتناطح جموع
صديقهم يرقى براس البنيه=وعدوهم يرجع من الغبن موجوع