ياناصر الطيب في صدق المكارم يابن سحاب=ياوافياً بين وافيـن الرجـال أفخـر بطيبـه
وافي ونعتز في طاريك واسمك بين الاجنـاب=ياراهي اليد طيبـك مـن مجانيـك العريبـه
أطريك والشعر في طاريك يارمز النقا طـاب=وارفع لك الصوت كان أونست من وقتي غليبه
من يعتزي بك وفي شرواك يابو بدر ماخـاب=يارمز الاخيار معنى الجود حـلال الصعيبـه
يابوبدر دارت الدنياء وحكـم الوقـت غـلاب=وماقدر الله على المخلوق ملـزوم ٍ يصيبـه
دورات الايام فحواها تبيـن دور الاصحـاب=من حيث ماتبتدي فيه الامـور وتنتهـي بـه
من قل مافي يده عافوا مجاله حتى الاقـراب=نـاسٍ تذمـه بلاذمـه ونـاسٍ تستغيـبـه
بالزيف والزور والبهتـان تسعـى وتلتـاب=ومن لايحاسب ضميره بالحيـاه الله حسيبـه
محتاج لك ياعزاي ولاتنشد ويـش الاسبـاب=والاالردي مالتفت له باللزوم ولانتخـي بـه
من ماله أول بفعل الطيـب متصنـع وكـذاب=اللي لياحيج صابه من من ردا مجنـاه ريبـه
هذاك وقت اللزوم أنساه في مقضى ومقضاب=واذكرك ياللي بيان مروتـك ماهـي غريبـه
مالي على بارد الهوجاس لوم وحق وعتـاب=ياناصر الجود وشرواك التفت لـه وعتزيبـه