يـالـيـل يـاوقــت الـقــاء للـعـشـاشيـق = بينـي وبيـنـك عـهـد مـحـدن دريـلـه
الله مـــن هـمــآ رس كـنــه طـويــق = باقصا الضلوع وصـار قلبـي عديلـه
يـاوقـت يامكـثـر بـلاويـك والضـيـق = ومـن طــاح حـظـه فـيـك وعزتيـلـه
وانـا منـك قــد ذقتـلـي مــر مـاذيـق = ولاقــام حـظـي بالسنـيـن الجمـيـلـه
لو لاي أطـوق ماجـرى لـي تطويـق = بالسـر وخفـي شــر وقـتـي وميـلـه
غنوا علـى ظيمـي عفـون المخاليـق = الـلــي يـقـولـون الجـمـالـه رذيــلــه
بالتجربـه درســت وكمـلـت تطبـيـق = قصـه لـو أحكيهـا عريـضـه طويـلـه
وين الـذي لا طبـت فـي عينـه أليـق = حـتـى يجيـنـي بالـشـدايـد وأجـيـلـه
مافيـه أمـل تنجـب حـرار الغرانـيـق = لـو الثعـل اطيـب مـن الـذيـب حيـلـه
ودامي مادور من ورا الناس واويق = ولانـي مـن اللـي كـل عيـب يعديـلـه
من راح حقه من رضا النفس مابيق = هـفــت امـقـيـط وفدوت(ن)للكحـيـلـه
ومايهمنـي مـن لفـق الهـرج تلفيـق = الـلــي كــلامــه مـايـحـصـل دلـيـلــه
ولا قول أنـا زيـزوم كـل الطواريـق = والـشـعـر مـاقـلـتـه أدور حـصـيـلـه
ياصاحبـي يابـن الرجـال المطالـيـق = خـلـيـف مـاطـلـع زمــانــه حـفـيـلـه
رسى كما تـرس الجبـال الشواهيـق = ولا ثقـل حمـل الوقـت متنـه يشيـلـه
بدلـت انـا غـربـي مـرغـان بابقـيـق = ومــن مـايــدور قـربـنـا مانبـيـلـه
وفرقـا المعـزه مـن عويـد وصلفيـق = ومـافـات مــات وعـودتـه مستحيـلـه
والعمـر فـانـي والمـراجـل توافـيـق = وخـاويـي الطـيـب مـــن أي قبـيـلـه
ياراكب اللـي مـن قبـل مابعـد سيـق = الفـيـن تسـعـه والجميـحـي وكـيـلـه
اوتـو دبـل مـاهـو بـعـادي تعاشـيـق = وسواقـه اللـي ماجهـد البـعـد حيـلـه
من الاحسا يمشـي معـا فكـت الريـق = والظـهـر فــي بــر البتـايـر مقـيـلـه
شرقي عنه وعله وغربـه سواحيـق = فـي خايعـن غصـون طلـحـه ظليـلـه
تـسـوى مداهيـلـه منـاظـر وتعتـيـق = وشكـل الفـلـل بالضاحـيـه والحليـلـه
وتسوى قبال اهل الخشوم المدانيـق = اللـي تـقـول خـشـوم بـطـن محيـلـه
مالي دخل في طبع مرزوق ورزيـق = كل(ن)بامشكـلـتـه يـشــاور خـلـيـلـه
شوفت قصور الطيـن طـب المعاليـق = ودوا النـفـوس الضايـقـات العلـيـلـه
ذكرى بقت تجري مـع الـدم والريـق = ذكـرى لجيل(ن)حـارب الحقـد جيـلـه