موقع الشاعرغازي البراك موقع الجميع

- ساحة الشعر والادب (كتابه)(صوت)(شيلات) (http://www.gazialbrak.com/vb/forumdisplay.php?f=22)

- - ذعذاع الهـــبوب (http://www.gazialbrak.com/vb/showthread.php?t=2370)

ذعذاع الهـــبوب

كل ماذعذع من الغرب ذعذاع الهبوب=حن قلبي حنت اللي سري بحوارها
وكل ماراعيت للشمس في وقت الغروب=تنزل الدمعه على اللي بقى تذكارها
وكل ماشفت الأماكن نذكرت القلوب=القلوب الصافيه والديار ودارها
وكل مشفت الرسايل تذكرت الدروب=الدروب اللي تضلل علي أشجارها
ياقصيده ذكريه الغلا من كل صوب=وذكريه اسنينا وحبها ومشوارها
وقولي اللي صار مكتوب ماعنه هروب=والنصيب يصيب لصغارها وكبارها
البنادم ممومنن بالمقدر بس نوب=تفجعه بعض الغرايب وبعض أدوارها
والله أنه صار في صوب وأنا صرت صوب=والسبايب بندقن حافضين أعيارها
روس قومن لاشجاعه ولافيها طروب=استخير الله عنها وعن من زارها
لاسيوف ولا خناجر ولا هي في حروب=السهوم المرسله ماعرف مصدارها
ياخرايم نجد لو دكك السيل الرعوب=وصار فيك من النفل والورق وأثمارها
وياقرايا لو على الحب والحب محسوب=ويامداين بالدجا زاهيتها أنوارها
ماسكنتن مثل من هو سكن بين الحدوب=ولا نزلتن مثل منزال ربع أشعارها
بس شين صار مكتوب ماعنه هروب=استخير الله عن سرها وجهارها

******** type="text/**********">doPoem(0)***********

رد: ذعذاع الهـــبوب

صح السانك ممدد بلا عدد

قصيده وافيه ياوافي

رد: ذعذاع الهـــبوب

صح لسانك يابو دهيم

وعلى قولت المريخي فعلا تغرد خارج السرب

رد: ذعذاع الهـــبوب

اقتباس:

المشاركة الأصلية كتبت بواسطة غازي البراك (المشاركة 20623)

صح السانك ممدد بلا عدد

قصيده وافيه ياوافي

اخي العزيز الشاعر...... غــــازي البراك
صـــــــح بـــــدنك
والف شكر على المرور العطر واتمنى

ان اسجل ما يرضيك ويرتقى لمستوى ذوقك

رد: ذعذاع الهـــبوب

هلا وغلا مليون ولا يكفون با الاخ العزيز

بن مرجي

اشكرك على المرور والشعور الطيب واعتز بشهادتك ولك مني

كل الشكر والامتنان

وصح بدنك ولا هنت يا الغالي

تحياتي

رد: ذعذاع الهـــبوب

اخوي محمد دهيم صح لسانك واعتلا شانك

قصيدة رائعة بالفعل تعطرها ابياتها العذبه

لك منى اوفر الشكر وبأنتظار جديدك لاعدمناك ,,

رد: ذعذاع الهـــبوب

صح السانك علي القصيده وبيض الله وجهك وقصيده رايعه بمعني الكلمه

رد: ذعذاع الهـــبوب

وكل ماراعيت للشمـس فـي وقـت الغـروب
تـنـزل الدمـعـه عـلـى الـلـي بـقـى تذكـارهـا
الأخ الشاعر محمد بن دهيم لايخفى على الجميع شاعريتك التي سبق وأن سمعنا عنها وقريناها أنت شاعر مميز لك حضورك وتواجدك بكل قوة ::
قصيدة رائعة كل بيت يعني قصيدة صح لسانك ونتمنى منك الجديد عاجلاً::::

رد: ذعذاع الهـــبوب

محمد بن دهيم..

أنت والأبداع وجهان لعملة واحده..

مررت على قصيدتك وكنت أنوي المرور على عجالة ولكن..

عندما بدأت بالقراءة لم أستطع تجاوز أي بيت..

سلم بنانك وما خط..ولسانك وما نطق..وفكرك وما املاء..

شكراً تمتد للسماء...على هذا النص الأكثر من رائع..

المر العذب

رد: ذعذاع الهـــبوب

اقتباس:

المشاركة الأصلية كتبت بواسطة الشمالي (المشاركة 20647)

هلا وغلا اخوي .... الشمـالي

صح بدنك

والرائع حضورك