فيصل الرياحي (رحمه الله ) _حبيب العازمي ؟؟..
السلام عليكم ورحمة الله وبركاته يسعدني أن أنقل لكم محاوره جمعت أعلام المحاوره على مستوى الخليج فــيــصـــل الــريــاحـــي سلام ياهل الديار اللي عليها سـلام حامينها أهل السيوف الحدب حامينها الليله الملعبـه ماتعتـرف بالنظـام وليا حضرنا تبى ترجـح موازينهـا حــبــيـــب الــعــازمـــي يامرحبا يارجال(ن) من ديار(ن) كلام يازينها في ليال الصيـف يازينهـا الليله الملعبه تحتاج ربـط الحـزام وليا وقفنا نبى نخـزي شياطينهـا فــيــصـــل الــريــاحـــي اليا خلطت السوالف من حلال وحرام لكلمـه الثانيـه عنـدي براهينهـا ياحبيب اليوم خلك شعرة(ن) في سنام والبـدو تلقـاك لاشـدت بعارينهـا حــبــيـــب الــعــازمـــي أن جنبت في اللحم وأن وافقت في العظام والكلمه الثانيـه تاصلـك فـي حينهـا ماني بشعره أناخصمك قطـوع العـرام وان زاد جن البقـوم أحشـر مجانينهـا فــيــصـــل الــريــاحـــي أن وقعت في الصخر وان وقعت في العدام حنا سيـوف المعـارك وأنـت سكينهـا الله ربـي وربـك يامـطـوع جـهـام تسجد علـى الأرض لاثـارت براكينهـا حــبــيـــب الــعــازمـــي لو مامعي غير سكين ومطرق بشام أخذ سيوف أكثر البقمى من يدينها الله رب الجميع وصاحبي مايـلام هجت ذلوله تلوى فـي كراعينهـا فــيــصـــل الــريــاحـــي كم عالم(ن) يحلمون ويشمتون الحلام ماردك عـن البقـوم ألا سلاطينهـا ترا هذيك الهنوف أم الذهب والزمام ماعدك ألا قذاة(ن) في طرف عينهـا حــبــيـــب الــعــازمـــي وين السلاطين يوم(ن) الشجاري خيام هي بيض من طبعهـا ولا مكسينهـا وأنته بعد في حدا الخدين دقت وشـام لله يعينـك علـى الأيـام ويعينـهـا فــيــصـــل الــريــاحـــي شهد لنا بخيت يوم الهوش تحت العسام ماهي بكذبـه مـع العبلـه مسوينهـا عاملتها بالوفـا والطيـب والأحتـرام وأنته تجمع على الخبـزه وراعينهـا حــبــيـــب الــعــازمـــي شهادة طيبه لاهل الهوى والغرام قصيدتن كل خلـق الله مغنينهـا ياصحابنا لايزيد الطق فوق اللحام أنتـم مغدينهـا حنـا معشينهـا فــيــصـــل الــريــاحـــي أنتم كما الزرع ياعتيبه وحنا الصرام لأرض ماعـاد تحماكـم ميادينـهـا ياشاعرن في الملاعب لبسوك الوسام ضيعت في الليل عشرتها وعشرينها حــبــيـــب الــعــازمـــي كلمتك هذي ماتنقص للنشاما مقـام ياللي تهدد عتيبه وينـك ووينهـا يالشاعر اللي نبتلك مثل ريش النعام ماصالحـن للبقـوم ألا دكاكينـهـا فــيــصـــل الــريــاحـــي ندخل على الله ترانا مانسب الكـرام أقول للـي سالفـه ماهـم بناسينهـا من يوم ركبت طوقن مثل طوق الحمام حتى أم ضرفين جادينك على دينهـا حــبــيـــب الــعــازمـــي السب ماله مجال ولايفك الزحـام وأن جبتلك سالفه ميعادك دوينها مايختلف هالرياحي منتفخ كل عام كن أم ضرفين غاذيته بضرفينها فــيــصـــل الــريــاحـــي مزكوم ياصاحبي واعديتنـي بالزكـام دينت بنت الحـلال ولا قضـا دينهـا سبحان من حط جسمك مثل عود الثمام كنك مـن أفريقيـا وأحـد مساكينهـا حــبــيـــب الــعــازمـــي خلـه لعلـه عساكـم كلكـم للهيــام العافيـه صـح منتـم مستحقينـهـا وزن الخشب طن ولا الماس كيلو جرام حمـر الفلسطيـن نكبتهـا فلسطينهـا منقووووول |
رد: فيصل الرياحي (رحمه الله ) _حبيب العازمي ؟؟..
وعليكم السلام ورحمة الله وبركاته
محاورة بقمة الروعــــة الشاعر:فيصل الرياحي شاعرعملاق رحمة الله علية والشاعر:حبيب العازمي كذالك شاعر عملاق ابيات جـــزلة بيض الله وجهـــــك سلمان الغبين على المحاورة الاكثر من رائعة |
رد: فيصل الرياحي (رحمه الله ) _حبيب العازمي ؟؟..
الله يرحمه الشاعر فيصل الرياحي ويعفو عنه
والله يطول بعمرك وعمر الشاعر حبيب العازمي محاوره بين شعراء دايم محاوراتهم مع بعضهم قويه اشكرك على النقل ملاحضه هذا الشطر اكيد مكتوب اخطاء أخذ سيوف أكثر البقمى من يدينها يمكن بدل البقمي البقوم |
رد: فيصل الرياحي (رحمه الله ) _حبيب العازمي ؟؟..
اشكرك اخوي:عبدالله _العجوني
كما اشكر اخوي واستاذي غازي البراك وهذه المحاورة منقوله ولا اعرف ان كان بها خطأ(كسر اوجبر) تقبلوا فائق احترامي |
رد: فيصل الرياحي (رحمه الله ) _حبيب العازمي ؟؟..
سلمان كل الشكر لك على النقل
|
| الساعة الآن 05:24 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir