مرثية بالمرحومة ام نديب سعود البراك
 

نار الحزن وسط الحشا له براكين**
ما برده دمع العيون الحزينة.

موت الفجيعة مثل طعن السكاكين**
وسط الخفوق اللي تزايد ونينه.

يالله يارحمان خير الرحيمين**
ترحم عجوز الخير معها جنينه.

في ذمتك يالله ترحم مساكين**
وانت الرحيم ورحمتك مرتجينه.

على ام نديب القلب ما له معزين**
جداي قاف الشعر عذب كنينه.

ياما على خيرات يدها معنين**
عساها بالجنات يسجد جبينه.

واجبر عزاء البراك هم والمصابين**
أهل البويضا لاانتخوا معتزينه.

شعر الاستاذ : عبدالكريم الراشد التميمي
رئيس الشؤون التعليمية بمحافظة الغزالة

رد: مرثية بالمرحومة ام نديب سعود البراك
 

صح لسان التميمي
ورحم الله المتفين واسكنهم فسيح جناته
شكرا على النقل

رد: مرثية بالمرحومة ام نديب سعود البراك
 

رد: مرثية بالمرحومة ام نديب سعود البراك
 

الله يرحمه عسى قبرها روضه من رياض الجنه
هي زوجة ولدها والله يحسن عزاء اسرتهم
صح الله لسان الشاعر عبدالكريم التميمي
والله يجزاه خير وعساه مايرى مكروه في غاليه


http://www.sot3bs.com/uploads/sot3bs_1413717234471.jpg

رد: مرثية بالمرحومة ام نديب سعود البراك
 

الله يجبر عزاكم ي اهل ديرتي ويرحم امواتنا وموات المسلمين