آه وطـــي حـالــي مـــن مـحـالــي طــــوي=ـطويـت الـلـي طــواه الـيــاس لـيــن أنـطــوى
مـــن يـقــول أن غـيــر الله يـوجــد قــــوي=يـــاالله أنـــي دخـيـلــك يـاشـديــد الــقــوى
أنــت تعـلـم مـصـيـر الـنـجـم يـــوم يـهــوي=وأنــت مــن غـيـر عـلـمـك مـاتـهـب الـهــوى
راح عـمــري وأنــــا أدور عـشـيــر وخــــوي=ومــن يــدور مـثــل مـاقـلـت يـاكــل هـــوى
وليتـنـي عـشـت عـمـري لـيـن أمــووت أبـــدوي=ولـيـتـنـي مـاغـويــت وصـاحـبــي مــاغــوى
أشـهـدأنــه كــوانــي بـالــمــوده كـــــوي=لـيــن مـنــه أنـكـويـت وصـاحـبـي مـاأنـكـوى
وأشـهــد أنـــه لـوانــي بـالـمـفـارق لــــوي=لـويـت الـلـي لـــووه أثـنـيـن لـيــن الـتــوى
وأشـهــد أنـــه شـوانــي بالمـحـبـه شــــوي=شـويـت الـلـي شــوي بالـنـار لـيــن أسـتــوى
وصابر(ن)مـثـل صـبــر الـلــي عـلـيـه الـــروي=لـيــن لـحــق الخطرنـفـسـي وفـكــري خـــوى
والله أنـــي مـالــوم الـذيــب يــــوم يــعــوي=سـلـمـولـي عـلـيــه بــكــل رجــم(ن)عــوي

بديت بآسم مكون الأنـس والجـان=بأسمه يعاهـد كـل جـنٍ مـرودي
وردٍ علـى ماقالـه فـلان وفـلان=ضعوف النفوس اللي تغث الكبـودي
تاريـخ متجـرد وتأليـف عميـان=كنه علـى ظلـم العبـاد محـدودي
أخص من سطر بالاحقـاد ديـوان=حقـود والمصـدر كتابـة حقـودي
اليا أنعدم مبدى العقيـده بالانسـان=يقـدر يسـوي مايسـوي اليهـودي
ولأهل الوفا والصدق شكراٍ وعرفان=وتحيـةٍ عـطـره وبـاقـة ورودي
نعم رشيدي من بني عبس غطفـان=من قيس ابن عيلان شجرة جـدودي
تحت مسمى عبس واشجع وذبيـان=تلقى عنا وينـي ومجـدي وجـودي
هرجٍ على صدق وحقايق وبرهـان=حقايـقٍ تدمـغ دمـاغ الجحـودي
حقايقٍ تروي معانـي خبـر كـان=بخطـوط كوفيـه بصـم الحيـودي
حصل المنافس والسبب سبة حصان=سبة فرس وحصان راحت فهـودي
وجانا بغا التركـي ودارن الاكـوان=دون الكرامـه والوطـن والعـدودي
ومر الجفاف وراحوا البـدو فرقـان=كل ٍ طوى بيتـه بظهـر القعـودي
وزاحوا لنا من غبر الايام فرسـان=احدٍ حـدر وأحـدٍ توجـه سنـودي
شالوا على فلك البحـر لأم درمـان=يبـون وديـانٍ سقتهـا الرعـودي
ثم استقـروا بيـن كسـلا وحلفـان=يتلـون شـف مطيـرات البـدودي
ونزلٍ نزح للسيف راضي وقنعـان=مـن البحـر للدبـدبـه للنـفـودي
قوم ٍ لهم في ساحـة المجـد ميـدان=يـوم ان كـلٍ دون حـده يـذودي
صالوا وجالـوا واستقـروا بهـدلان=دار الصبـاح اللـي تلـم الوفـودي
ونزلٍ تورث منزلـة عبـس بأبـان=ونزلٍ بوادي السر سوى السـدودي
وفي كل دار ألنا مـوارد وعربـان=وتاريخنا بارض العرب له وجـودي
وحنا بقينـا بالمنـازل والاوطـان=بأقسى الظروف مواصلين الصمودي
ترمز لنـا الكفـه هويـه وعنـوان=الناس تعـرف والعوانـي تـرودي
يوم الجزيره بين تسعيـن شيطـان=نطعن ونطعن دون هاك الحـدودي
من المدينـه حدنـا ضلـع حبـران=مايمرها الا مـن خضـع للقيـودي
ومن حرة الكوره لشرقـي مرغـان=بعد امرنا يردون ماهـا الـورودي
ومن ذاق ضرب سهونا راح ندمـان=يمـوت مافكـر بلـم الـجـرودي
اسلاحنـا قـو العزيمـه والايمـان=والا عددنـا بالحسـاب مـعـدودي
ودخيلنا ممن عن الضيم مـا يهـان=وسلامته نبـذل وراهـا الجهـود
يوخوينا مايكظـم الغيـض زعـلان=وقصيرنـا نعطيـه حـقـه وزودي
حنا هل المعروف ورجال الاحسـان=قومٍ نجود اليا أنعـدم كـل جـودي
وأمجادنا غصبٍ على كل مرضـان=شعاع ذري في عيـون الحسـودي
ويوم ارسل الله مسلما لـم الاخـوان=سرنا ورى صقر الجزيره جنـودي
من ضمن جيش الفيصلي نسل عدنان=والله يشهـد والخلايـق شـهـودي
وننعم بحكم محاسبـة كـل غلطـان=ولا عاش من يجرح كرامة سعودي