قصيدة الشاعر/ رزقان معيض الخياري بحفل زواج جمعان ومحمد ابنا غالب عيد الخياري
 

بديت بسم الله علام الغيوب__علام في اخفاف السراير كلها
رب العباد اللي على المذنب يتوب__ اللي عبدة كلها يغفرلها
من بعد ذكرة قمت اطالع للدروب__هذه نخليها وذي نفطلها
ماتي ملقطها مثل جمع الذهوب__نقد الذهب من شاعرن صاحلها
وقفت لي ميقاف على الحفل امحسوب__واجب علينا اللازمة مانزلها
دعوة بني غالب لنا حقن يصوب__اليا دعى الداعي نجي في حلها
سلام مني عد ذعذاع الهبوب__غربيتن قام الصفا ينقرلها
اعداد ماهبت شمال وعد ماهبت جنوب_عد السحاب اللي غشونة هلها
يامرحبا يامرحبا من كل صوب__نيابة عن ربعنا نقولها
الله يحييهم على كيفن يذوب__على الشحم حيلن كبارن جلها
المعرسين اثنين والدعوة وجوب__جمعان ومحمد غشاهم دلها
الله يبارك بين حبا ومحبوب____ الله ينور بين خل وخلها
الله يجملنا على علمن ينوب___جماعتي واعزها وافخر لها
ربعي هل الميقاف بالوقت الصعوب___مثل الجمال احمولها تشتلها
لاعسرت غبر اليالي والدروب___بيوتهم دايم يضلل ضلها
ريف الخوي والجار بالوقت السحوب__لاقل بيدين العرب سلملها
ربعي هل لبيضا مثقلت الشرود__قبيلتن رد البراء طبعلها
ربعي حزامي كان عودا طق عود__اليا برطم الضحوك وابدا غلها
عسى ديارهم في مرازيم الرعود__عسى مرازيم السحاب تعلها
يوم انها زمان غاصب وامغصوب__كل القبايل تقتضي حقلها
الفعل فعل الله ثم فعل ابن سعود__عبد العزيز اللي سيوفة سلها
حيف عليها لين خلاها ركود__خلا الغنم والذيب ترتع كلها
هذا الفعل ماهي سواليف الكذوب__يقول جده ذبح العربان كلها
والله لو انة حضرها مايعود__لو مرتة الارنب جفل من ضلها
الله يعز اللي حموا كل الحدود__الشجرة اللي عايشين بضلها
وصلاة ربي عد صفات الجنود__وعلى نبين سنتة منملها