موقع الشاعرغازي البراك موقع الجميع - قصيده رثاء بالشيخ/ دليم بن علوش بن براك رحمه الله

قصيدة رثاء بالشيخ/ دليم بن علوش بن دليم البراك ( رحمه الله )

مرحوم ياشيخٍ له الطيب عنوان
ما مارته مركز ونقل الختومي

أمارته قدام لايوحد الشان
يوم أنها بشلفا وضرب السهومي

حفيد من يثني بغيبات الاذهان
لاجنبو عنها عيال الرخومي

هرجن وكاد مثبتٍ فيه برهان
واليانخيته ماتعذر يقومي

يشيل حملك ماتعذر بليهان
ريف الضعيف اللي وطته الهمومي

فعله مجرب لانصيته كحيلان
ماهي فعول مكثرين العلومي

والبيت ماسكّر عن افلان وافلان
من طب بيته مكرم(ن) ومحشومي

والموت مايعرف طليقين الإيمان
وإلاَّ لقول دليم عنه لتشومي

لعل له في جنة الخلد مسكان
في جاه من له كل الأمه تصومي

عسى البقا بعلوش والكل ماهان
ياقف لها عند للقا واللزومي

وصلاة ربي عد ماكاينٍ كان
على محمد عد وبل الغيومي

الشاعر/ مناور بن حجي بن عمير القلادي