هل المطر وافرح صدورً كثيره=والحمدلله ناشنا المزن في خير
وحفلت رجال العز عندي كبيره=ودعوتك ياناصر له طابعً غير
سلام وعدت ماتخطى المسيره=وعداد مايطبع صحيفه وتقرير
يابوعمر لك ربع في كل ديره=عجاونه يثنون خلف المظاهير
وعوج الخصيم ليا تبين نذيره=وريف الخوي والجار وقت المعاسير
وتستاهل التكريم ماهي كثيره=وصبيان ربعك ناطحين المخاسير
ولاهي خساره بالوجيه السفيره=اللي مثل شرواك له كل تقدير
شاعر ومؤرخ في بلاد الجزيره=ولك بصمتً مثل الرجال المناعير
مبروك ياراعي الفعول القديره=والمعذره كان الشعر فيه تقصير
ماني بمنهو يحصي انجاز غيره=انجاز غيري له اقرايه وتفسير
وله عرض شاشاتً اعراضً تديره=مشهور من عرض ارجالً مشاهير

الشاعر/ حمد علي البراك