سلام يامحمد طليق الحجاجين =يامشرف(ن) شعري معطر حروفي
سلام ياوافي ومن نسل وافين=سيفاً أعده واحد(ن)من سيوفي
يابن عقٌيل ياصعوط المجانين =ياعون من كبرت عليه الظروفي
الياتقفتني مع سنيني سنين=ازبن مثل شرواك مازبن ضعوفي
ياحر من ساس الحرار العريبين =أهل الرباع مكرمين الضيوفي
عجاونة بالوقت الاول وهالحين = أهل الكرم والجود فعلاً وشوفي
عجاونة سم القلوب المعادين =يوم المعارك وانبياد الخفوفي
فرسانهم يوم الملاقا معروفين =منهم محمد شيخهم ومعروفي
فارسكم اللي سيرته بالدواوين =قطاع شف اللي بنفسه شفوفي
فخر وعز وكل ربعه عزيزين =واكرام واكرم من غشون القنوفي
البيض تنصاء وجيههم ومخبورين=أقول تنصاهم وهي وماتشوفي
قبل ميلاد اجدادنا حظهم زين =حقايق(ن)ماهي بحاجة احلوفي
ياشيخ واعدتك ونا موعدي دين=الحر وعده دين والحر يوفي
شاعر وربعي غانميمن وشريفين =مكاحله وقت الشدايد صفوفي
وصلوا على من وضح الحق والدين = صلوا على محمد عدد من يطوفي