السلام عليكم ورحمة الله وبركاته
اخواني واخواتي اعضاء وزوار موقع الجميع الكرم اسعد الله اوقاتكم بكل خير
هذي قصيده الشاعر/ مهل الرويضي
بحفل ال فهيد بمنطقه الرياض
وكان هناك عدد كبير من الحضور وجمهور الشعر والامراء واصحاب المعالي والسعاده


[poem=font="simplified arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=1 line=0 align=center use=ex num="0,black""]

الشعر مطنوخ والشاعر معرب جدود=في ليلةٍ للفخر فيها مقام ومقال
على شرف طيبين الساس عصبة سعود=اللي تعصب له من أهل الجزيرة رجال
عيال عودٍ ولكنه ماهوب أي عود=عودٍ تسمت به الدوله مقام وجلال
إسم تفاخر به الأحفاد عقب الجدود=حتى الجزيرة تسمت به وقامت تخال
من قال وش لون حالك؟ قالت أرقى سنود=ما دام باقٍ من آل سعود رجلٍ له آل
الى هنا .. يامداد الشعر مالك حدود=والى هنا .. يامساء الافراح والكرنفال
على هلا عد ماذعذع بالامجاد نود=واعداد ماطاب حض وعد ماطاب فال
ويامرحبا كثر ماللعز تقدح زنود=باسمي واسم صالح دخيل كريم السبال
شهمٍ مقدر ومقداره مايبغى شهود=يكفيه تشريفكم شاهد بهالاحتفال
الى هنا واهدي ل منصور باقة ورود=واهدي ل عبد العزيز الورد .. في كل حال
دام الفرح ياالفهيد انسام عنبر وعود=طاب المساء اللي جمعنا بطيبين الخصال
عيال عودٍ ولكنه ماهوب أي عود=عودٍ تسمت به الدوله مقام وجلال

مهل الرويضي
[/poem]