موقع الشاعرغازي البراك موقع الجميع - بعيد الشوح في اول طاروق له مع الواصل

اول طاروق للشاعر بعيد الشوح في موقع غازي البراك مع الواصل

بعيد الشوح

سلامي على أهل الطيب في منبر الطيب = بعد جاء بعيد الشوح من بعد ناوي

نبي نقبس الهيجاء عن اذن المعازيب = ودفاعاً عن الجمال لايرد شاوي

الواصل

بعد جا بعيد الشوح ماعنه تجنيب = هلامرحبابك من بعيد الهقاوي

يقولون من عدى بروس المراقيب = يبي يجيه يابعيد النظر ذيب عاوي

بعيد الشوح

عسى أبك البقاء في دار راع المواجيب = وانا الفارس اللي ماثنته العزاوي

إذا كان سيفك مايرد المشاعيب = لاتومي بسيفك كان راسك فداوي

الواصل

بعيد انت صادق... ناوي ن تاكل الذيب = اثر مخ راسك يابيض الوجه خاوي

بعد جيتنا ياصاحبي فاضي الجيب = يبى يمتلي جيبك وتصبح غناوي

بعيد الشوح

مدامك تبيها بيننا يالأصاحيب = تلبست جلد الذيب والعظم ثاوي

انا بعيد للكنك قريب محاضيب = عليك المخيله وانت قاعك سناوي

الواصل

ترى كلمتك هذي بعرف العرب عيب = واذا فيك جرح انا الطبيب المداوي

لوانـك بعيد تـعــرف قــدر الاشانيب = ولكن يلـويـبك ثلاثين لاوي

بعيد الشوح

ابا العلم منك ولاتودي ولاتجيب = تدافع عن سلوم العرب وأنت غاوي

تتقى عن المعنى بكثر العذاريب = لقيتك كتاباً مايسند لراوي

الواصل

تقوله على فالك ولاتعلم الغيب = وانا اجاوب الرجال حسب الدعاوي

ياطير السعد عيبك بليا مخاليب = وطبحت عند الذيب وقت الضحاوي