موقع الشاعرغازي البراك موقع الجميع - لقاء الدواهي سعود العجوني وجها لوجه مع صياف

طاروق العمالقه الشاعر سعود العجوني والشاعر صياف في اول لقاء بينهم في موقع غازي البراك

سعود العجوني

الاوله ياهلا يامرحبا من هاجس سعود=والثانيه من يبا يلعب يجي عندي هنيا

الليله فليج من فوقه تنوض بروق ورعود= ذعذع من الشرق ياصياف نسناس السقيا

صياف

الاوله جعل عمرك للبقا من زود في زود =والثانيه شد حيلك بالمسيره لاتريا

افليج لو سال من غر المزن ماهو بمارود=نجمن سقط لثرا من بعد ماهو بثريا

سعود العجوني

تسلم وتبقا وعكس اللي تقوله عود اردود= الرجل يحسب حسابه لسفر قبل ايتهيا

ركز معي لايصير الفكر ياصياف محدود= انته ونا في محيط فليج مافيها خفيا

صياف

اليااستغثت استغث بالي يرد الحال للعود = كنك تبى من خصيمك ياعطر الشارب حميا
وسم المطيه عليه المطرق المعيوج ممدود = هلحين عان المزن يمطر وقافيته غبيا

سعود العجوني

بطن البنادق مافيه الا رصاص وملح بارود= ياطامعن في سعود سعود مايوخذ غشيا

من شاف وسم المطيه ماجهل في راعي الذود= الصدر مايبرده من ضيقته هرج القفيا

صياف

الجيش توه تكامل والوصول افراد وفود = ناظر عتاده بمد الشوف ياسمح المحيا
والصبح يمكن تشوف العد قبل الفجر مارود = وذودك على غب ياسعدون والسناي عيا

سعود العجوني

اولهم الشيخ ابو متعب وبكره يلفي العود= لشد صياف مايبقاعلى داره بقيا

قامت تهاو الغصون المثمره عنقود عنقود= وسلم وصل سلام العجوني لبن محيا