طس السبيل من اشقر اللون طسّه=واشرب حليب بْكار وانت متواسي
وانحر هل التاريخ والوقت رسّه=واكتب على سطر القصيد المئآسي
واحذر ترى دربك لزومٍ تجسّه=حيث الفعول القول معها أساسي
وافهم جزيل الهرج واعرف مجسّه=واستشعر المعنى بخمس الحواسي
تدري! ترى كلٍّ يحس و تحسّه=واللي تحسّه فوق عيني وراسي
لك مقدمٍ بين الرواسي تمسّه=واسمك على روس النوازي رواسي
ولاشفت ضول الناس حاول تعسّه=واحذر تجاوب كل شخصٍ سياسي
تر السياسه زي ما قيل "خسّه"=حيثه مطيّة شيخ قومٍ خساسي