ياليت من يوصل سلامي الجمعان=ويبلغه عن قصتي بالتفاصيل
مندوب عبس من الذي صار عطشان=مابل كبده ناشيات الهماليل
الصبر ياجمعان راح بخبر كان=مابقي الامنه مايكفي الحيل
على وشك تخلاء منه كل الاركان=يبقى مقيد بحتلال الغرابيل
ياعزوتي ان كان عندك لنا شان=رقمي بجوالك محفوظ تسجيل
العام ياجمعان في شهر شعبان=شرق الهضاب النابيات المطاليل
على ديار مروضت كل طغيان=اهل الشجاعه بالقى تسرج الخيل
عطيتك التوصيف ياستاذ جمعان=يكفي عن التوضيح زمز الاداليل
عشقت بنت مرجحت كل ميزان=اللي لهم تنقال كلمة رياجيل
بنت الكرم بنت الشرف بنت شجعان=بنت (ن) تربت بين هاك الحلاحيل
ذكرت ربي كنها بدر لابان=في جو صافي لاظهر بااول الليل
شبهتها وضحاء كسبها ارديفان=على جواده بالسيوف المصاقيل
العذر تدري ياسلايل كحيلان= البنت لبن العم مالك مداخيل