طاروق كايف جدا
طاروق رائع اعجبني تجلت به الشاعريه والنقض والفتل بين الشاعر الواصل والشاعر بطاح بن وساح اتمنى ان يحوز على رضاكم الواصل راق المزاج وزان بداع الطواريق = والشاعر المطنوخ يكرب حزامه اليوم فك السبق ياهل المسابيق = دور الصقور ووقعي ياحمامه بطاح بن وساح لايفرح الواصل لاجا حزة الضيق = اما صبر ولاطريق السلامه واليوم مرباع الحرار المطاليق = ورا النعيريه ليا اقصى تهامه الواصل ارفع نظر عينك لياقمة طويق = وتشوف بالقمه تهل الغمامه يالعاشق الولهان غيرك عشاشيق = لاتفطر اللي ماخلص من صيامه بطاح بن وساح سحاب صيف ن مر مابلل الريق = وطويق للغادي دليل وعلامه بيني وبينك يعوي الذيب ويويق = وهرج الفرح ماهو بمثل الندامه الواصل ياسايق الفنجال والكيف قد سيق = ماعاد تنصاك الرجال بملامه دام الليالي يالسنافي توافيق = تلقى الكريم اللي يمد الكرامه بطاح بن وساح التمر يارجال للحين ماذيق = ياللي نقصت العلم هذا تمامه من بيننا عهد وصكوك ومواثيق = لينك تشوف شعيل يطبخ سنامه الواصل يامحقق الشيشان تحتاج تحقيق = لانك تذم اللي عطاك العمامه اظاهر انك ترقد بساع وتفيق = وتنزل لهامه وتجرحك هامه بطاح بن وساح لاصار بالموضوع ياخوك تلفيق = حتى المطوع مايصدق كلامه عزالله انك منت مثل المخاليق = تنظر بنظره غامضه وابتسامه |
رد: طاروق كايف جدا
طاروق رائع
صح السان الواصل والسان بطاح بيض الله وجهك ياذيب الفيافي على التنسيق |
رد: طاروق كايف جدا
صح السسسسان الواصل وبطاح محاوره قمة الرو و و و و و وعه_
|
رد: طاروق كايف جدا
بيض الله وجهك ياذيب الفيافي على التنسيق الرائع وبطاح الشهاده لله شاعر بعيد مدى ومدرسه شعريه تشرفت بهالطاروق معه
|
رد: طاروق كايف جدا
عز الله اني شاعر هههههههههه
|
رد: طاروق كايف جدا
بيض الله وجيهكم
الواصل ...انتبه من الصاااررروخ لا ينفجرررررر |
رد: طاروق كايف جدا
عز الله انه طاروق شعار كبار طاروق كايف بكل ماتحمل الكلمة من معنى صح اللسان الشاعرين القديرين
على هذا الطاروق اللي لو تبي تكتبة قصيدة نبطية كتبته وغنيته وهذا يدل على جزالات الابيات فيه والشكر لك على التنسيق |
| الساعة الآن 03:57 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir